سارة نخلة: كل الرجالة خاينين.. وأنا بنسى لكن مش بسامح

حلت الفنانة سارة نخلة ضيفة برنامج نص الكلام، مع الإعلامية راغدة شلهوب، عبر شاشة قناة النهار وعلقت عن بعض التصريحات السابقة لها.

تحيا مصر يرصد لكم تصريحات سارة نخلة عن بعض التصريحات السابقة لها 

سارة نخلة: “الست اللي هتسامح مرة هتعيش عمرها بتسامح”

وقالت سارة نخلة عن الخيانة ومسامحة الزوجة لزوجها: اللي هتسامح مرة هتعيش عمرها كله بتسامح، وانا مقتنعة تمامًا إننا قدام حاجتين، يا تواجهي وتسامحي، أو تمشي، ولو خانني أخونه، ولو هو في نزوة أنا كمان هبقى في نزوة.

سارة نخلة: “كل الرجالة خاينين”

وعن الرجال قالت: كل الرجالة خاينين، في واحد هيخون بعد شهر وواحد هيخون بعد عشر سنين، وأنا عارفة إني بعد كده أكيد هتخان، وعرفت إن اتخانت مرة واتوجعت ساعتها عشان الخيانة وحشة أوي بس أنا بنسى وغلاوية، لكن مش بسامح.

هجوم سارة على نانسي عجرم وزوجها

وتحدثت سارة نخلة عن تصريحاتها بشأن قتل السارق السوري في منزل نانسي عجرم: كتبت البوست ده من 4 سنين أو 5 سنين، عشان استخدمنا مصطلح إن المجرم سوري، وساعتها كان تحليلي منطقي، وقولت إن الراجل ده اتقتل برا الفيلا و11 رصاصة معناها انتقام، ومتراجعتش عن التحليل ده لحد ما يثبتوا عكس ده.

سارة نخلة عن تصريحها لـ سلاف فواخرجي “هاتوا الدفاتر تنقرا” 

وقالت سارة نخلة: سلاف فواخرجي كانت مستضافة في برنامج والمذيعة سألتها “ليه مش بتشتغلي في مصر؟” كان ممكن تقولها أنا عندي شغل، وهي على دماغنا من فوق ومعنديش معاها مشكلة، لكن هي قالت “أنا لو كنت اشتغلت كنت قعدت فنانات مصر كلهم في البيت”، فروحت أنا كتبت البوست ده بعد ماهي نزلت بوست بتقول مصر وحشتني.

وتابعت سارة: الممثل السوري واللبناني لازم يعدي على مصر، وجملتها كانت عيب أوي ومصر هي اللي عملتها وساعتها شعرت بالغيرة على مصر.

سارة نخلة عن تصريحها لـ رضوى الشربيني “احنا مش في اوروبا”

وعن تصريحها لرضوى الشربيني قالت: بحب رضوى جدًا وبحترمها على المستوى الشخصي، وبناتها قمة الأدب والإحترام، واحنا عند بعض عالفيسبوك، بس بتضايقني كلمة “اختاروا صح” عشان بتكوني فاكرة نفسك اختارتي صح وبعد الجواز بيحصل حاجات غريبة، ورضوى بترفع سقف طموحات البنات، وعشان احنا كمجتمع عربي مبنعرفش نختار.