الإعلامية أميرة عبد العظيم مع ياسمين عز: "متعة الست في خدمة جوزها"

أعطت الإعلامية أميرة عبد العظيم رأيها في العديد من المشكلات المنتشرة خلال الفترة الأخيرة من تمنع الزوجات خدمة أزواجهم، وذلك خلال حوارها ببرنامج “كلام الناس” مع الإعلامية ياسمين عز.

تحيا مصر يرصد لكم تصريحات الإعلامية أميرة عبد العظيم عن المشكلات المنتشرة بشأن تمنع الزوجات خدمة أزواجهم

الإعلامية أميرة عبد العظيم عن مشكلة الخدمة بين الأزواج

وقالت الإعلامية أميرة عبد العظيم: متعة الست في إنها تخدم جوزها، وإنه معتمد عليها، بحب اعمل القهوة لجوزي بإيدي وبغير لما المساعدين بيعملوها ليه.

أميرة عبد العظيم: "جوزي تاج راسي ولازم يبقى باشا"

وأضافت أميرة عبد العظيم مؤكدة أنها تربت على احترام الزوج منذ الصغر، لأن والدتها كانت تعامل زوجها بطريقة ليس لها وصف، قائلة: أمي علمتني إني لازم أكون مسؤولة عن جوزي، وأكله وشربه ولبسه ومش مجبرة، لأن قوة الست في ضعفها، عشان أحنا مش في حرب ولا ند بند، وجوزي تاج راسي، ولازم يبقى باشا.

وتابعت: أمي كانت بتنقي لأبويا أحسن حاجة على السفرة، ووطوا صوتكوا عشان والدكم نايم، وأنا شايفة إن الست اللي بتشتغل بيكون وقتها منظم أكتر من الست اللي مش بتشتغل.

أميرة عبد العظيم عن زواجها في الجامعة 

تحدثت أميرة عبد العظيم عن زواجها المبكر في المرحلة الجامعية، قائلة: قولت الحمد لله إني اتجوزت في الجامعة اللي بيدخل مجال الطيران عمره بيروح، ببنام والناس صاحية، وبنصحى والناس نايمة، والطيران بيسحب العمر.

وأردفت متابعة عن مميزات وعيوب الزواج المبكر، قائلة: الزواج البدري ميزاته كتيرة، الست لما بتتجوز وتجيب أولاد وهي كبيرة بتقفد جزء من نفسها، والسلبيات هي المسؤليات البدري.

أميرة عبد العظيم: لازم جوزي يكون عارف رايحة فين وجايه منين

وأكدت الإعلامية أميرة عبد العظيم على ضرورة إخبار الزوجة لزوجها بموعد خروجها وكل تحركاتها لأنها مسؤولة منه، قائلة: مفيش حاجة اسمها اخرج برا البيت من غير ما اقول لجوزي، عشان مفيش راجل هيبات برا من غير ما يقولي، وازاي اروح مكان من غير ما يعرف؟ لازم يكون عارف أنا رايحه فين وجايه منين.