الإعلامية أميرة عبد العظيم: "الست متبقاش عايزة حاجة تاني طلما جوزها راضي عليها"

تحدثت الإعلامية أميرة عبد العظيم خلال لقائها مع ياسمين عز، في برنامج كلام الناس، المذاع عبر شاشة قناة mbc مصر، عن كيفية تعامل المرأة مع زوجها من وجهة نظرها، وأعطت رأيها في العديد من المشكلات الدارجة بين الأزواج خلال الفترة الأخيرة.

تحيا مصر يرصد لكم تصريحات الإعلامية أميرة عبد العظيم عن كيفية تعامل المرأة مع زوجها من وجهة نظرها

أميرة عبد العظيم: متعة الست في خدمة جوزها

قالت الإعلامية أميرة عبد العظيم أن قوة المرأة في ضعفها مع زوجها، مشيرة أن رضاء الزواج من أهم الأشياء في الحياة، حيث قالت: "الست متبقاش عايزة حاجة تاني طلما جوزها راضي عليها".

وأضافت أميرة عبد العظيم: متعة الست في إنها تخدم جوزها، وإنه معتمد عليها، بحب اعمل القهوة لجوزي بإيدي وبغير لما المساعدين بيعملوها ليه.

 أبرز تصريحات أميرة عبد العظيم مع ياسمن عز

• كنت مضيفة جوية حوالي 7 أو 8 سنين
• قولت احقق أمنية والدي إنه يشوفني مذيعة وسعيت لأن دخول التلفزيون المصري كان صعب
• دخلت مجال التلفزيون وسعدت إني حققتله الحاجة اللي كان بيحلم بيها
• والدي كان نفسه يشوفني زي دكتورة درية شرف الدين
• قدمت في الأول كـ قارئة نشرة واتعلمت من والدي النطق الصحيح
• استاذ أحمد سمير قالي أنا شايفك في برامج المنوعات وقولتله اللي تشوفه حضرتك
• كان في مقاييس لقارئة نشرة الأخبار زي يبقى شعرها أسود وأنا كنت ملونة
• بدي كورسات دلوقتي في فن الحوار
• برامج البث المباشر فيها مصداقية أكتر
• صليت صلاة قضاء الحاجة عشان عادل إمام يوافق يطلع معايا في برنامجي
• راضية عن نفسي وحياتي وعندي قناعة داخلية
• حب الناس هو إكسير الحياة وكلها عوامل بتساعد الواحد يحتفظ بنفسه وبشكله
• أنا دايمًا في حالي وبخلص شغلي واروح على البيت ومعنديش شلة
• الست متبقاش عايزة حاجة تاني طلما جوزها راضي عليها
• مفيش حاجة اسمها اخرج برا البيت من غير ما اقول لجوزي
•  عشان مفيش راجل هيبات برا من غير ما يقولي
• ازاي اروح مكان من غير ما يعرف؟ لازم يكون عارف أنا رايحه فين وجايه منين