الإعلامية أميرة عبد العظيم عن تصريحها “اللي تتجوز تسيب حريتها على باب البيت”: لازم يكون عارف تحركاتي

تحدثت الإعلامية أميرة عبد العظيم ضيفة برنامج “كلام الناس” مع الإعلامية ياسمين عز، عبر شاشة قناة mbc مصر، عن تصريحها “الست اللي تتجوز تسيب حريتها على باب بيتها” ورأيها في العديد من الأمور بشأن العلاقة بين الرجل والمرأة والمشكلات المنتشرة خلال الفترة الماضية بينهم.

تحيا مصر يرصد لكم كشف الإعلامية أميرة عبد العظيم عن تفاصيل تصريحها "الست اللي تتجوز تسيب حريتها على باب بيتها” وذلك خلال السطور القادمة

أميرة عبد العظيم: لازم جوزي يكون عارف رايحة فين وجايه منين

وقالت الإعلامية أميرة عبد العظيم: مفيش حاجة اسمها اخرج برا البيت من غير ما اقول لجوزي، عشان مفيش راجل هيبات برا من غير ما يقولي، وازاي اروح مكان من غير ما يعرف؟ لازم يكون عارف أنا رايحه فين وجايه منين.

 أبرز تصريحات أميرة عبد العظيم مع ياسمين عز

• كنت مضيفة جوية حوالي 7 أو 8 سنين
• قولت احقق أمنية والدي إنه يشوفني مذيعة وسعيت لأن دخول التلفزيون المصري كان صعب
• دخلت مجال التلفزيون وسعدت إني حققتله الحاجة اللي كان بيحلم بيها
• والدي كان نفسه يشوفني زي دكتورة درية شرف الدين
• قدمت في الأول كـ قارئة نشرة واتعلمت من والدي النطق الصحيح
• استاذ أحمد سمير قالي أنا شايفك في برامج المنوعات وقولتله اللي تشوفه حضرتك
• كان في مقاييس لقارئة نشرة الأخبار زي يبقى شعرها أسود وأنا كنت ملونة
• بدي كورسات دلوقتي في فن الحوار
• برامج البث المباشر فيها مصداقية أكتر
• صليت صلاة قضاء الحاجة عشان عادل إمام يوافق يطلع معايا في برنامجي
• راضية عن نفسي وحياتي وعندي قناعة داخلية
• حب الناس هو إكسير الحياة وكلها عوامل بتساعد الواحد يحتفظ بنفسه وبشكله
• أنا دايمًا في حالي وبخلص شغلي واروح على البيت ومعنديش شلة
• الست متبقاش عايزة حاجة تاني طلما جوزها راضي عليها
• مفيش حاجة اسمها اخرج برا البيت من غير ما اقول لجوزي
• عشان مفيش راجل هيبات برا من غير ما يقولي
• ازاي اروح مكان من غير ما يعرف؟ لازم يكون عارف أنا رايحه فين وجايه منين