الإعلامية أميرة عبد العظيم: "جوزي تاج راسي ولازم يبقى باشا"

حلت الإعلامية أميرة عبد العظيم ضيفة برنامج “كلام الناس” مع الإعلامية ياسمين عز، عبر شاشة قناة mbc مصر، وتحدثت عن تصريحها “الست اللي تتجوز تسيب حريتها على باب بيتها” والكثير من الأمور الأخرى بشأن الزواج.

تحيا مصر يرصد لكم تصريحات الإعلامية أميرة عبد العظيم عن تصريحها الشهير

الإعلامية أميرة عبد العظيم: "جوزي تاج راسي ولازم يبقى باشا"

وقالت الإعلامية أميرة عبد العظيم: أمي علمتني إني لازم أكون مسؤولة عن جوزي، وأكله وشربه ولبسه ومش مجبرة، لأن قوة الست في ضعفها، عشان أحنا مش في حرب ولا ند بند، وجوزي تاج راسي، ولازم يبقى باشا.

وأضافت: أمي كانت بتنقي لأبويا أحسن حاجة على السفرة، ووطوا صوتكوا عشان والدكم نايم، وأنا شايفة إن الست اللي بتشتغل بيكون وقتها منظم أكتر من الست اللي مش بتشتغل.

أميرة عبد العظيم عن زواجها في الجامعة 

وتحدث أميرة عبد العظيم عن زواجها المبكر في المرحلة الجامعية، قائلة: قولت الحمد لله إني اتجوزت في الجامعة اللي بيدخل مجال الطيران عمره بيروح، ببنام والناس صاحية، وبنصحى والناس نايمة، والطيران بيسحب العمر.

وأردفت متابعة عن مميزات وعيوب الزواج المبكر، قائلة: الزواج البدري ميزاته كتيرة، الست لما بتتجوز وتجيب أولاد وهي كبيرة بتقفد جزء من نفسها، والسلبيات هي المسؤليات البدري.

وعن المشكلة الدارجة بسبب تمنع الزوجات خدمة أزواجهم، قالت: متعة الست في إنها تخدم جوزها، وإنه معتمد عليها، بحب اعمل القهوة لجوزي بإيدي وبغير لما المساعدين بيعملوها ليه.

أميرة عبد العظيم: لازم جوزي يكون عارف رايحة فين وجايه منين

وأكدت الإعلامية أميرة عبد العظيم على ضرورة إخبار الزوجة لزوجها بموعد خروجها وكل تحركاتها لأنها مسؤولة منه وغير صحيح فكرة بيات الزوجة خارج منزلها دون إخبار زوجها أيضًا، قائلة: مفيش حاجة اسمها اخرج برا البيت من غير ما اقول لجوزي، عشان مفيش راجل هيبات برا من غير ما يقولي، وازاي اروح مكان من غير ما يعرف؟ لازم يكون عارف أنا رايحه فين وجايه منين.. والست متبقاش عايزة حاجة تاني طلما جوزها راضي عليها.