صليت قضاء الحاجة عشان عادل إمام وسر جمالي الرضا عن النفس.. تصريحات الإعلامية أميرة عبد العظيم

حلت الإعلامية أميرة عبد العظيم ضيفة برنامج “كلام الناس” مع الإعلامية ياسمين عز، عبر شاشة قناة mbc مصر.

تحيا مصر يرصد لكم في هذا التقرير تصريحات الإعلامية أميرة عبد العظيم مع ياسمين عز

أبرز تصريحات أميرة عبد العظيم

• كنت مضيفة جوية حوالي 7 أو 8 سنين
• قولت احقق أمنية والدي إنه يشوفني مذيعة وسعيت لأن دخول التلفزيون المصري كان صعب
• دخلت مجال التلفزيون وسعدت إني حققتله الحاجة اللي كان بيحلم بيها
• والدي كان نفسه يشوفني زي دكتورة درية شرف الدين
• قدمت في الأول كـ قارئة نشرة واتعلمت من والدي النطق الصحيح
• استاذ أحمد سمير قالي أنا شايفك في برامج المنوعات وقولتله اللي تشوفه حضرتك
• كان في مقاييس لقارئة نشرة الأخبار زي يبقى شعرها أسود وأنا كنت ملونة
• بدي كورسات دلوقتي في فن الحوار
• برامج البث المباشر فيها مصداقية أكتر
• صليت صلاة قضاء الحاجة عشان عادل إمام يوافق يطلع معايا في برنامجي
• راضية عن نفسي وحياتي وعندي قناعة داخلية
• حب الناس هو إكسير الحياة وكلها عوامل بتساعد الواحد يحتفظ بنفسه وبشكله
• أنا دايمًا في حالي وبخلص شغلي واروح على البيت ومعنديش شلة

الإعلامية أميرة عبد العظيم عن مشكلة الخدمة بين الأزواج

وقالت الإعلامية أميرة عبد العظيم: متعة الست في إنها تخدم جوزها، وإنه معتمد عليها، بحب اعمل القهوة لجوزي بإيدي وبغير لما المساعدين بيعملوها ليه.

أميرة عبد العظيم: "جوزي تاج راسي ولازم يبقى باشا"

وأضافت أميرة عبد العظيم مؤكدة أنها تربت على احترام الزوج منذ الصغر، لأن والدتها كانت تعامل زوجها بطريقة ليس لها وصف، قائلة: أمي علمتني إني لازم أكون مسؤولة عن جوزي، وأكله وشربه ولبسه ومش مجبرة، لأن قوة الست في ضعفها، عشان أحنا مش في حرب ولا ند بند، وجوزي تاج راسي، ولازم يبقى باشا.

وتابعت: أمي كانت بتنقي لأبويا أحسن حاجة على السفرة، ووطوا صوتكوا عشان والدكم نايم، وأنا شايفة إن الست اللي بتشتغل بيكون وقتها منظم أكتر من الست اللي مش بتشتغل.

أميرة عبد العظيم عن زواجها في الجامعة 

تحدثت أميرة عبد العظيم عن زواجها المبكر في المرحلة الجامعية، قائلة: قولت الحمد لله إني اتجوزت في الجامعة اللي بيدخل مجال الطيران عمره بيروح، ببنام والناس صاحية، وبنصحى والناس نايمة، والطيران بيسحب العمر.