"مش هتجوز في السر تاني".. القصة كاملة لـ أزمة زواج منى عراقي من أيمن رشوان

أثارت الإعلامية  الشهيرة منى العراقي الجدل في الأيام القليلة الماضية، وعرضت نفسها لشائعات وانتقادات بالجملة، جلعتها تتأثر نفسيا وتدخل في موجة بكاء عبر حسابها الرسمي بموقع التواصل الإجتماعي “فيسبوك”، جاء ذلك بعد جدل إعلانها الزواج من إعلامي شهير ظنه البعض الدكتور أيمن رشوان، وفي ذلك التقرير يرصد تحيا مصر أزمة منى عراقي من البداية.

منى عراقي تعلن زواجها من إعلامي شهير

بدأت أزمة منى عراقي عندما خرجت الأخيرة في فيديو بث مباشر عبر صفحتها الرسمية بموقع “فيسبوك”: “مساء الخير قولولي مبروك، ما كنتش أعرف إن القصة ممكن تتنشر كل هذا الانتشار، آه اتجوزت، اسم يشرف أي حد، لكن لأسباب كتيرة ما حبناش نعلن عنه، واتوترتنا جدا لما لقينا الخبر اتسرب بالمنظر دا”.

منى عراقي عن علاقاتها بـ أيمن رشوان: “سندي الوحيد وبينا كيميا”

وتابعت نافية زواجها من أيمن رشوان موضحا علاقتهم سويا، فقالت: “أيمن أنا أعرفه من زمان جدا، بينا كيميا، لما بنتقابل ما بنبطلش ضحك ورقص، ودايما كان سند، الوحيد اللي ممكن أقوله أعمل إيه، وهو يقولي أعمل إيه، لأني بثق فيه ثقة عمياء، لما الخبر انتشر أيمن كلمني وقاللي اتصرفي خليهم يشيلوا الخبر ده، قولتله هتصرف”.

أيمن رشوان يرد على منى عراقي ويكشف حقيقة زواجه منها

تلك التصريحات والتنبؤات التي أفادت زواج منى عراقي من أيمن رشوان، أزعجت الأخير، فخرج في فيديو عبر موقع “فيسبوك”، وكتب: “أنا لسه راجع من ماتش كورة وخلصت الماتش وفوجئت بخبر غريب جدا.. خبر ملوش أي علاقة بالحقيقة ولا بالواقع، خبر كاذب بكل معنى الكلمة وهو أن أنا اتجوزت من الأخت الصديقة منى عراقي.. منى عراقي أختي وصديقة عزيزة ولكن الخبر كاذب لأنه ملوش علاقة بالحقيقة”.

منى عراقي تنهار من البكاء: مش بنام ونفسيتي اتدمرت ومش هتجوز في السر تاني

وبعد استمرار الجمهور في تداول نبأ ارتباط منى عراقي من أيمن رشوان، ومطالبتهم المستمرة لها بالكشف عن هوية زوجها الأخر التي أعلنت عنه اذ لم يكن أيمن رشوان، فقال: “اإيه القرف اللي أنا فيه ده؟ كل دا بيحصلي ليه؟ أيه المهم في قصة جوازي وارتباطي أنا بقالي أكتر من يومين مش بنام ونفسيتي اتدمرت عشان قررت أعلن عن حياتي الشخصية".

منى عراقي: مش هتجوز في السر تاني

وتابعت منى عراقي حديثها: “أنا مش عايزة أتجوز في السر تاني خلاص ولادي كبروا أخبي ليه؟ وقالوا لي بلاش ترتبطي في السر، دلوقتي مفيش داعي”. ولما حد كان بيسألني كنت بقوله هتجوز قريب، والسؤال اللي دمر نفسيتي بقاله يومين هو سؤال الناس عن هوية العريس، إنت مالك؟ أنا حرة أقول وقت ما أنا عايزة وحرة أقول مين، وإنت بردو أصروا يعرفوا وقولت لهم هعلن في الوقت المناسب عشان حياتي وحياته متبوظش”.

وأضافت: وجه فرح وحضرت وروحت أسلم على أيمن رشوان والناس قالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم أهروا أنا متعودة مردش على الحاجات دي، والي اللي عرفني الخبر صديقي، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن وبيسألوا اتجوزت مين، إنت مالك؟، خلصت القصة، يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا.

منى عراقي عن هوية زوجها: مش عايزة أقول هو مين بس هو مش أيمن رشوان

واختتمت منى عراقي حديثها: "أنا ياما عملت شغل ومحدش عبرني، وياما عملت نجاحات ولا حد سأل فيا، وياما عديت أزمات صحية ونفسية ومعنوية ومحدش قالي إنتي فين، ليه خبر جوازي يقلب الدنيا، أنا مش عايزة أقول هو مين، وكل اللي يهمني أقوله إنه مش أيمن رشوان، وقُلت ده من ساعتها، إيه القصة؟ مين يجي يخلصني من التريند بتاعي ده؟ ولادي تأذوا وهو حياته اتلغبطت والله أعلم بحاله، والقصة تافهة".