تارا عماد عارضة الأزياء الأولى لـ العلامة التجارية الشهيرة "شانيل بيوتي"

تم اختيار الفنانة الشابة  تارا عماد  كعارضة أزياء من قبل بيت الأزياء صاحب العلامة التجارية الشهيرة “شانيل بيوتي” في إعلانات منتجات التجميل الخاصة به، لتكون أول وجه إعلاني من الشرق الأوسط يشارك في ذلك.

تحيا مصر يرصد لكم اختيار تارا عماد عارضة أزياء العلامة التجارية الشهيرة “شانيل بيوتي”

العلامة التجارية الشهيرة “شانيل بيوتي”

وشانيل هي شركة فرنسية لتصميم الأزياء الراقية، ولتصنيع الملابس الجاهزة والإكسسوارات، ومستحضرات التجميل والعطور وقد حرصت تارا عماد على حضور الفعاليات الخاصة بالموضة والتي تتواجد بها شانيل، مثل أسبوع الموضة بدبي في 2020، وأسبوع الموضة بباريس 2021 و2022.

وبالإضافة إلى مشاركتها كعارضة في الإعلانات، فقد حرصت أيضًا العديد من المجلات الشهيرة على ظهور تارا عماد على أغلفتها، من بينها Harper's bazaar ، Elle Arabia،  ماري كلير، كوزموبوليتان، جمالك، وهي، كما اختيرت تارا عماد مؤخرا لتكون سفيرة في الشرق الأوسط للماركة التجارية العالمية الشهيرة “كارتييه”.

أبرز تصريحات الفنانة تارا عماد مع رامي رضوان 

- فيه حد تنحنح في حياتي قبل كدا بس محصلش نصيب

- مستحيل ارتبط بشخص حاسس بتهديد من شغلي ليه هو ولكيانه، وعيب أوي لو خيرني بينه وبين شغلي

- أنا نفسي أني أمثل في هوليوود كممثلة مصرية، عايزة أمثل بلدي هناك لأن مفيش بنات من مصر غير قليل أوي

- لو اللي هرتبط بيه شخصيته سي السيد هقوله مع السلامة الباب يفوت جمل، ويبقى سي السيد على نفسه

- عادل إمام حبيب قلبي، ومسلسل صاحب السعادة هو اللي حطني على السلم مع إني قبلها كنت عاملة عاملين بس مسمعش

- الست من حقها تعند مع الراجل وتتفاهم.. وأغنية الراجل لرامي صبري هتضايق لو غنيتها

- بتكسف جدا واتمرنت إني أبقى تمام وكويسة على المسرح بس هو مش سهل خالص يمكن أصعب حاجة إني الواحد يقدم حاجة على المسرح

- أنا ممكن أسعى أني أدور على شخص أبقى معاه وأكمل معاه حياتي بس هي لما تبقى مكتوبالي أنها هتيجي هتيجي مهما قعدت أدور

- أنا مرة قدمت برنامج طبخ وبعد كدة وقف وعملت برنامج لبناني وكنت تايهة تماما

- تارا معناها نن العين بالتركي، النجمة اللي في السما بالهندي، بس مامتي سمتني تارا على اسم واحدة صحبتها

- وأنا صغيرة مكنتش فاهمة في المناخ خالص بس كنت واعية على فكرت إعادة التدوير وكدة

ـ أنا بعشق الأكل المصري وبحب الأكل أوي وبحب أطبخ أكلات كتير وطواجن ودايما بقول أنا لو مكنتش ممثلة كنت هبقى طباخة أو خبازة حتى لما سافرت سيوة اتعلمت أكلاتهم

ـ مكنتش خايفة من مسرحية علاء الدين وحبيتها جدا