صفاء فى دعوى الخلع : بيفرج بناتى على أفلام مش كويسة فى نص الليل

" لما اتجوزنا وعدنى أنه هيشيل بناتى في عينه وعمره ما هيعاملهم معاملة وحشة لكن لما أتجوزنا لقيته مدمن أفلام إباحية ومش بس كدا دا بيخلي بناتى اللى عندهم 10 و11 سنة يتفرجوا معاه إنسان مريض ولازم أنقذ بناتى منه " جاءت هذه الكلمات على لسان صفاء وهى داخل محكمة الأسرة بزنانيري لرفع دعوى خلع من زوجها بعد عام ونصف من الزواج مبررة أستحالة العشرة معه بعد أن اكتشفت مرضه ومدى الأذى الذى تعرضن له بناتها .

تحيا مصر

وقالت صفاء فى مستهل حديثها مع " تحيا مصر ": أتجوزت من سنة ونص بعد ما جوزى توفي وساب ليا بنتين وكنت برفض فى الأول الجواز عشان خاطرهم لحد ما أتقدم ليا واحد أول مرة يتجوز وشاب وأهلى اقنعنونى أوافق وأنه فرصة كويسة وممكن متتكررش، وهو وعدنى أنه هيعامل البنات معاملة كويسة وهيكون لهم أب، وغرقنى بالكلام الحلو لحد ما وافقت لدرجة أنى رفضت أنه يأجر شقة وقعدنا فى شقتى ومعايا بناتى عشان يأخدوا راحتهم، وفعلا بعد الجواز لقيت البنات اتعلقت بيه، وهو كمان بيعاملهم كويس جدا قدامى وكنت مبسوطة، لكن كان مضايقنى حاجة واحدة .

صفاء تطلب الخلع 

وتابعت الزوجة حديثها، " أكتشفت انه بيحب يتفرج على أفلام إباحية كتير، وكل ما أتكلم معاه يوعدنى أنه هيبطل ومجرد تسلية مش أكتر ومش مؤض ولا حاجة زى ما أنا متخيلة لحد نا فى يوم فى نص الليل قمت فجاءة ولو مرة أنا نادرا لما اقوم فى نص الليل من نومى ولقيت صوت بنتى بتتكلم بصوت واطى، مشيت بهدوء أكتشفت المصيبة الكبيرة بنتى قاعده فى حضنه وبيتفرجوا على أفلام إباحية، قعدت أصوت وهو يقول لى متفهمش غلط دى أول مرة ومش هتحصل تانى لكن أنا فتحت الباب أمشى دلوقتى وسيبنى أهدى .

دعوى خلع بمحكمة الأسرة 

وأكملت، بمجرد ما ساب البيت كلمت أخويا اللى جى على طول قفل الشقة وخدنى أنا وبناتى معاه وكشفت عليهم أتطمنت أنهم بخير جسديا لكن للأسف أتعرضوا للتحرش واكتشفت أنه كان بيجي فى نص الليل ويصحى كل يوم واحدة منهم ويجبلها حلويات وتسمع معاه الأفلام دى ويحذرهم أنهم يتكلموا معايا أبدا فى أى حاجة، لكن الحمدلله أتقذت بناتى منه وبعالجهم حاليا نفسيا وهو رجع يعتذر لكن أهلى أعتدواء عليه بالضرب ورفض يطلقنى فرفعت عليه دعوى خلع ومازالت الدعوى منظورة أمام القضاء .