أشرف زكي عن انتقاد وكيل الموسيقيين لمنح محمد رمضان تصريح للغناء: منقدرش نتجاهل جماهيريته

خرج الدكتور أشرف زكي، نقيب المهن التمثيلية عن صمته للرد على انتقاد علاء سلامة وكيل الموسيقيين، لقرار منح تصريح بالغناء للفنان ومطرب المهرجانات محمد رمضان.

تحيا مصر يرصد رد أشرف زكي على انتقاد علاء سلامة لمنح تصريح غناء لمحمد رمضان. 

أشرف زكي ومنح تصريح غناء لمحمد رمضان

وقال أشرف زكي خلال لقائه في برنامج the insider: لما بيكون عضو نقابة عايز ياخد تصريح من نقابة أخرى لازم النقابة اللي هو ينتمي ليها في الأساس هي اللي تخاطب النقابة الثانية لمنح الفنان الطلب أو التصريح، ودا اللي عملناه مع محمد رمضان هو كان محتاج تصريح للغناء، وإحنا كـ نقابة مهن تمثيلية منحناه التصريح.

وتابع: ليه علاء سلامة بيلومنا؟ دا شيء قانوني وطبيعي وبنعمله على طول، ورأينا في موهبة الفنان دا لينا لكن المهم رأي الجمهور ومحمد رمضان له جمهور كبير، وخصوصًا في الحفلات وأحنا لازم نحترم رغبات الجمهور وفي النهاية إحنا منقدرش نتجاهل جماهيريته.

وكان قال وكيل نقابة المهن الموسيقية في تصريحات تلفزيونية: محمد رمضان عنده موهبة كبيرة في التمثيل، لكنه مش موهوب في الغناء، وأنا مش معترف به كـ مطرب، ولو كنت قائم على لجنة العمل في النقابة لن أعطيه تصريح للغناء.

وأضاف: تصريح محمد رمضان للغناء لم يأت من نقابة الموسيقيين، ولكن تم استخراجه بناءً على خطاب من نقابة المهن التمثيلية، وأنا ضد اللي بيحصل دا، مينفعش أدي حد تصريح وأنا مش مقتنع بيه.

محمد رمضان يتألق بأغنية دوشة

على الصعيد الآخر، طرح محمد رمضان أغنيته الجديدة التي تحمل عنوان دوشة، بعد أن كان أعلن أنه أجلها حدادا على وفاة الملكة اليزابيث.

كلمات اغنية دوشة محمد رمضان

صاحي ومش شايف قدامي
فين النضارة عيني تعباني
حاسس بصداع جوا دماغي
مع اني شارب اتنين قهوة
لا متخوتناش وبلاش روشة
ابعد عني دماغي انا قافشه
راكب عربيتي وبتمشى
طلبت معايا اني اعمل دوشة

دو دو دو دو دوشة
طلبت معايا اني اعمل دوشة
دو دو دو دو دوشة
طلبت معايا اني اعمل دوشة

وانا رايح اجيب العربية
راكنها بعيد اصلي شوية
حاسس بخيال وبمرازية
ودماغي مش فايقة الليلة دية
عايزك تنساني وتلاشاني
مثبوت في بطاقتي انا عنواني
مش حمل انتوا الوش التاني
تلاشاني عشان انا كده هعمل دوشة

دو دو دو دو دوشة
تلاشاني عشان انا كده هعمل دوشة
دو دو دو دو دوشة

تلاشاني عشان انا كده هعمل دوشة
بقصف الجبهه وبقولك تروق
امك بتصرف عشان الـ View
مجرد ما تفكر بكون جبت جول
استنى معايا تليفون
الو

قفشت الفيراري وخمست في عطارد
دي مش دلقة قهوة دي دماغه اللي طارت
افكاري بتنحت في دماغه ف فارت
وطول مانا ثابت انا هعمل دوشة

دو دو دو دو دوشة
وطول مانا ثابت انا هعمل دوشة
دو دو دو دو دوشة

تليفوني بيرن عندي حفلة
وميعاد طيارتي جه على غفلة
عيني مش مفتوحه كانت قافلة
وبدأت اسقط في الطافيه
مسطول وقفني هات سيجارة
ماترد تقولي ايه العبارة
رجالتي بتستني اشارة
ساعة التنفيذ نعمل دوشة

دو دو دو دو دوشة
ساعة التنفيذ نعمل دوشة
دو دو دو دو دوشة

صاحي ومش شايف قدامي
فين النضارة عيني تعباني
حاسس بصداع جوا دماغي
مع اني شارب اتنين قهوة
لا متخوتناش وبلاش روشة
ابعد عني دماغي انا قافشه
راكب عربيتي وبتمشى
طلبت معايا اني اعمل دوشة

دو دو دو دو دوشة
طلبت معايا اني اعمل دوشة
دو دو دو دو دوشة
طلبت معايا اني اعمل دوشة

دو دو دو دو دوشة
طلبت معايا اني اعمل دوشة

طلبت معايا اني اعمل دوشة
دو دو دو دو دوشة
طلبت معايا اني اعمل دوشة