مصطفى حلمي يزف بشرى لأعضاء النقابة: المعاش هيزيد 20 % سنويًا.. وهيبقى في منحة ثابتة ليهم

كشف المايسترو مصطفى حلمي عن مفاجأة لأعضاء نقابة المهن الموسيقية، مدافعًا عن الفنان هاني شاكر وما تعرض له خلال فترة توليه منصب نقيب المهن الموسيقية.

تحيا مصر يرصد مفاجأة مصطفى حلمي لأعضاء النقابة

مصطفى حلمي يشيد بالعملية الانتخابية

وقال حلمي لكاميرا تحيا مصر: "العملية الانتخابية فيها روح حلوة جدًا ودي أهم حاجة وكل المرشحين أصدقاء ومفيش خلاف على حاجة.. وعي الجمعية العمومية بقى أفضل بكتير من السنوات السابقة".

مصطفى حلمي يدافع عن هاني شاكر

وتابع: اللي كان بيشكك في فترة هاني شاكر ميعرفوش أي حاجة، المعاش كان 450 جنية قبل أستاذ هاني دلوقتي 1065 جنيه.. النقابة كانت فيها 8 مليون جنيه دلوقتي فيها 34 مليون جنيه ودايع اللي بيتكلم بيتكلم في المطلق من غير اي مستند.. استهلاك انتخابي ملوش أي لازمة".

وأضاف: "بنخطط لأننا نشتري مقر للنقابة لأن اللي احنا فيه ايجار قديم، معاش الأعضاء هيزيد 20 % سنويًا.. لازم يبقى في جدولة في الشغل فالفلوس اللي جوا النقابة دي كلها للأعضاء لحين ما توفرلهم النقابة عمل، مش هنسميها اعانة ولكن منحة ثابته".

من جانبه، حرصت الفنانة سوما على التواجد مع زوجها المايسترو مصطفي حلمي المرشح على مقعد نقيب الموسيقيين.

وتنحصر المنافسة بين أربع مرشحين هم مصطفى حلمى ومصطفى كامل وشريف حمدى وعلاء سلامة والفائز من المرشحين الأربعة يقود النقابة لمدة 10 أشهر قادمة.

روح رياضية بين مصطفى حلمي ومصطفى كامل

وكان حرص الفنان مصطفى كامل على احتضان منافسه مصطفى حلمى والترحيب به خلال الانتخابات التى تجرى حاليا فى مقر نادى نقابة المهن التمثيلية، حيث قال كامل: "أنا بحب مصطفى فى الانتخابات أو بعيداً عن الانتخابات، وفوزه أو فوز أى حد النهاردة هو فوزنا كلنا".

على الصعيد الآخر، طرح النجم مصطفى كامل، أحدث أغانيه التي تحمل عنوان "زرعة خايبة"، عبر يوتيوب، وهى من كلمات وألحان مصطفى كامل، وتوزيع وميكس ماستر كولبيكس.  

وتقول كلمات الأغنية: يالي دايمًا تغلطوا في غيبتي، أوعوا بس تغركم غيبتي، كل عاله تعالى واتمنظر، بكرة جاي على حجري بطريقتي، ياللي ياما في ظهري بتلكوا، وبترغوا وتهروا وتعكوا، واللي يسمع اسمي يتزرزر.