نادية مصطفى: هاني شاكر ظلم واتهان من الناس كلها ومش هيجي في النقابة وجهة مشرفة زيه

خرجت الفنان نادية مصطفى أحد أعضاء نقابة المهن الموسيقية، لتهاجم جميع متهمي هاني شاكر بنشره الفساد في نقابة المهن الموسيقية خلال فترة توليه الحكم.

تحيا مصر يرصد في ذلك التقرير تصريحات نادية مصطفى عن هاني شاكر

نادية مصطفى: “هاني شاكر طلع من النقابة بشكل مهين”

قالت نادية مصطفى خلا تصريح خاص لـ موقع تحيا مصر: "كل كان واقف في ضهر هاني شاكر، لكن محدش قال الحقيقة وبلوم الجمعية العمومية انها تطلع هاني شاكر بالشكل المهين ده، كان لازم الجمعية العمومية تجيبه من بيته وتحاسب اللي غلط قدامه”.

نادية مصطفى: هاني شاكر ظلم واتهان من الناس كلها

وتابعت نادية مصطفى حديثها، منفعلة: “فين الفساد يجماعة، احنا قعدنا سنتين كورونا مفيش حد بيشتغل والنقابة وقفت وأدت كل المطلوب منها وأكتر زي ما الدولة عملت، والنقابة مقصرتش وهاني شاكر مقصرش كان 24 ساعة قاعد على التليفون بيستجيب لمطالبات الموسيقين، واترفعت عليه قضايا بتهم مفبركة، ومعايا الدليل، هاني شاكر ظلم واتهان من الناس كلها ومفيش حد هيجي زيه ".

وأكدت: “أنا بحترم هاني شاكر وهو عشرة عمري ومفيش في يوم من الأيام أثر وهاني شاكر وجهة مشرفة لنقابة المهن الموسيقية، ومفيش حد هيجي زيه”.

نادية مصطفى تكشف إمكانية استكمال مسيرتها في نقابة الموسيقيين

وعن إمكانية استكمالها في منصبها بنقابة المهن الموسيقية، فقال: “الله اعلم هكمل ولا لا بس عشان انا تعبانة مش عشان مصطفى كامل، انا مع اي حد طالما اللي هيجي بـ ارادة الجمعية العمومية، وأنا محدش ماسك عليا حاجة ولا حد يقدر يمسك عليا حاجة وعدم ردي على الانتقادات عشان تربيتي وأخلاقي منعوني”.

جدير بالذكر، أنه جاءت العديد من المطالبات من قبل نجوم الغناء لـ النقيب الجديد، والذي من بينهم أن : “الاهتمام بمعاشات الموسيقيين والمطربين وتزودها، الحرص على تفعيل قرار منع غناء مطرب بدون فرقة موسيقية، إعطاء فرصة لـ مطربي المهرجانات والنظر في كلمات أغنياتهم قبل طرحها، عدم الهجوم على أي مطرب بأي شكل من الأشكال والحرص على دعمهم بكل الوسائل الممكنة”، وغيرها من المطالبات الهامة التي سترقى من خلاله النقابة.