محمود الليثي: المهرجانات كسرت الدنيا.. وحمو بيكا وحسن شاكوش ناجحين| فيديو

خرج المطرب الشعبي محمود الليثي، وكشف تصريحات جريئة عن النقابة ومطالبته لـ نقيب المهن الموسيقية المقبل، وذلك خلال انتخابات النقابة التي عقدت في صباح يوم الثلاثاء الموافق 11 من شهر أكتوبر.

تحيا مصر يرصد في ذلك التقرير تصريحات محمود الليثي لـ نقيب الموسيقيين

محمود الليثي: المطرب بدون موسيقي زي العربية بدون بنزين

وقال محمود الليثي  في لايف عبر موقع تحيا مصر: لو حد قالي روح مهرجان القلعة هيروح، وأنا مع قرار ان مفيش مطرب يحيي حفل بدون وجود الموسيقيين، الموسيقي ده البنزين بتاعة العربية".

محمود الليثي: المهرجانات كسرت الدنيا وحسن شاكوس وحمو بيكا ناجحين

وتابع محمود الليثي حديثه: “حسن شاكوش كسر العالم وحمود بيكا، وطالما الناس بيحبوهم يبقوا كسرو العالم، المفروض أجيب الواحد منهم زي مأنا عملت ومش موجود في النقابة، جبتهم عندي في البيت وقولتهم انتو كسرتو العالم وكسرتوا الدينا بس كلامكم بيدخل كل البيوت، وهما مكنوش عارفين ان الكلام اللي بيعملوه ده غلط وأما عرفوا بطلوا يعملوه، ليه منعمل كدة، والمهرجانات كسرت الدنيا وراحت للعالم”

واختتم محمود الليثي: “المطرب لازم يبقى مسؤول عن اللي هيدخل البيت لأنه ده ممكن يبني المجتمع وممكن يهده، وأنا عملت مهرجانات ومكنش فيها ألفاظ خارجة”.

محمود الليثي عن نقيب الموسيقيين: أنا مش ضد حد خالص وربنا يولي من صلح

وكان قد صرح محمود الليثي عن مطالباته لـ نقيب الموسيقيين القادم، فقال: “ربنا يوفقك الجميع، بس أهم حاجة عندنا الراجل الموسيقي، وأنا مشكلتي كلها الموسيقي، نشوف طلباته وبس.. مش عايزين حاجة غير غير اننا نشوف الموسيقي عايز اي، أنا معايا 72 واحد وسعد معاه 60، وعبد السلام معاه 50، محتاجين نشوف طلبات الناس دي، احنا في دولة قانون مش ضد حد خالص وربنا يولي من يصلح”.

جدير بالذكر، أنه نعقدت انتخابات نقابة المهن الموسيقية في كلا من القاهرة بنادي نقابة المهن التمثيلية بشارع البحر الأعظم، وفي الإسكندرية على مسرح عبد المنعم جابر، وفي المنصور في قاعة ميامي بطلخا، وفي مقار النقابات الفرعية بمختلف المحافظات الأخرى حتى الصعيد، ويأتي قائمة المرشيحين على منصبة نقيب الموسيقين كلا من الموسيقار مصطفى حلمي، والفنان مصطفى كامل، والدكتور علاء سلامة، والموسيقار شريف حلمي.