كنت خايفة من الشماتة.. شيرين عبد الوهاب تعلق على طلاقها وتكشف خلاقها مع منة شلبي

حلت الفنانة شيرين عبد الوهاب ضيفة على برنامج “صاحبة السعادة”، الذي تقدمه الفنانة والإعلامية الشهيرة اسعاد يونس عبر قناة Dmc، والذي كشف من خلاله عدد وافر من التصريحات والأسرار عن حياتها الشخصية.

تحيا مصر يرصد في ذلك التقرير تصريحات شيرين عبد الوهاب في صاحبة السعادة 

تحدثت شيرين عبد الوهاب عن طلقها من حسام حبيب وكيف دعها أصدقائها، فقالت: “صحابي رجعوا كلهم زي موج البحر ورا بعض وكنت خايفة من الشماتة لأنهم كلهم قالولي لا”.

شيرين عبد الوهاب: بنتي الصغيرة قالتلي "يا ماما ده مينفعش ليكي" والكبيرة بتاخدني في حضنها بس

وكشفت عن دعم ابنتيها لها في ازمتها مع حسام حبيب، فقالت: "بنتي هنا دعمتني أكتر وقالتلي حاجات كتيرة ليها علاقة باللي كنت فيه وكان صح، وقالت الخلاصة في كلمتين "يا ماما ده مينفعش ليكي" ومخدوش مني موقف، والكبيرة لو شافتني تعبانة بتاخدني في حضنها بس ويا بعيط أو أنام، والتانية بتتناقش معايا وإن الحياة اللي أنا عايشاها دي متنفعش ليا".

شيرين عبد الوهاب: كنت بنام بأدوية دولقتي مبقتش أخد برشام الصداع

وتطرقت شيرين عبد الوهاب بالحديث عن تخطي أزمتها النفسية، فقالت: “قريت كتاب ان حلاقة الست لشعرها بداية جديدة وعهد جديد، كإني بغسل نفسي، وأنا شخص طول الوقت بشتكي من نفسيتي، وبقالي شهرين مبقاش في لوم لنفسي، وكنت بنام بحاجة تأهلني للنوم، ودلوقتي مباخدش حتى برشام الصداع والبركة في دكتور نبيل عبد المقصود.

وتابعت حديثها كاشفة عن كيفية مواجهتها للانتقادات وشائعة خضوعها للإدمان: “الدكتور نبيل صديقي من زمان، والإدمان مالوش علاقة بالمخدرات بس، والرخم قليل الذوق اللي بيقول كومنت وحش هيفضل يقول كومنت وحش، وده مالوش دعوة بإختصاصه، وأنا كنت باخد دوا إفرازات إبعاد الأفكار الوحشة عن النفوخ، سيبته دلوقتي خلاص”.

تفاصيل خلاف شيرين عبد الوهاب مع منة شلبي

وكشفت شيرين عبد الوهاب لأول مرة عن خلافها مع منة شلبي، فقالت: “كان في خناقة كبيرة بينا، وفي يوم سفري كنت مع كريم عبد العززي بنهزر وكنت هتأخر على الطيارة ومنة قالتلي على التليفون والله مانتي نافعة، وروحت لاقيت نفسي وادة باسبور غلط وهي اللي حجزتلي عشان اروح اعمل ديتوكس واخس، ولما رجعتله في اليوم تاني قالي ده انتي سرك باتع، وقعدت كملت عنده السهرة، واحنا متصالحين عادي”.

شيرين عبد الوهاب ورأيها في بعض النجوم

وأبدت شيرين عبد الوهاب رأيها في بعض نجوم الوسط الفني، فقالت: “بحب ياسمين علي زي ماجدة الرومي وشايفة نفسها كبيرة، والولد اللي غنى الغزالة رايقة صوته جميل جدًا، وأحمد سالم بيغني زي مانا كنت بغني زمان، نجاة الصغيرة اتصلت بيا قالتلي انتي خليفتي من خمس شهور ودعمتني”.

وعن أغنية غريبة الناس لـ الفنان وائل جسار، قالت: “أغنية غريبة الناس لوائل جسار كانت بتاعتي في الأول ومزعلتش عشان طلعت حلوة".