شيرين عبد الوهاب: "بوزن الكلام بميزان من دهب وبفتخر بعملي مع نصر محروس"

تحدثت الفنانة شيرين عبد الوهاب عن إحساسها بعد مرور 20 عام على أغنيتها الشهيرة “آه يا ليل” وذلك خلال لقائها ببرنامج صاحبة السعادة مع إسعاد يونس.

تحيا مصر يرصد لكم تصريحات شيرين عبد الوهاب عن إحساسها بعد مرور 20 عام على أول أغانيها

شيرين عبد الوهاب في صاحبة السعادة

وقالت شيرين عبد الوهاب: بحب الشقا اللي كنت بشقاه وأنا صغيرة وكان عندي عزة نفس وبوزن الكلام بميزان من دهب، بعمل بالنصايح بس النصايح المتعلقة بقلبي مش أوي ولكن دلوقتي اتعلمت.

وتابعت شيرين: العشرين سنة دول معتقدش إني عملت فيهم غنوة أنا مرضتش عنها وأنا خرجت من عند نصر محروس عارفة اكمل حياتي المهنية إزاي وعملت معاه 3 ألبومات افتخر بيهم.

شيرين عبد الوهاب: رعاية الجمهور هي اللي رجعتني

وأضافت شيرين عبد الوهاب، قائلة: كنت حاسه إن ربنا شايلي حاجة حلوة بس مش أوي كده الحمد لله، وبلاقي حب واحترام في كل بلد بدخلها وبعتز بزيارتي لأهل السودان ورعاية الجمهور هي اللي رجعتني تاني.

كلمات أخر أعمال شيرين عبد الوهاب الغنائية

وجاءت كلمات الأغنية كالتالي:

في محطه المترو وانا ماشيه من يومين
انا شفت حد مش هشوفه مرتين
ضحكت عيونه ضحكه قولت قصدو مين
انا انا انا

بصيت شمالي وبعدها بصيت يمين
ومكنش فيه الا انا بس وجمبي اتنين
مبقتش عارفه هو يومها قصدو مين
يا دي يا دي يا انا

خد قلبي مني وخطفني خطفه
ولاقيتني طايره مع اني واقفه
خد قلبي مني وخطفني خطفه
ولاقيتني طايره مع اني واقفه
مبقتش فاهمه مبقتش عارفه
ده عمل فيه روحي وفي قلبي اي
قربلي خطوه وقالي فجأه اي النظام
دقات قلبي سريعه ومن غير انتظام
وضحكلي نفس الضحكه قولت خلاص تمام
كده انا انا

قبل اما نحكي وقبل ما نقول كلمتين
تلفونو رن استأذن وبعد خطوتين
في الزحمه تاه من قبل ما اعرف هو مين
كده كده كده

خد قلبي مني وخطفني خطفه
ولاقيتني طايره مع اني واقفه
خد قلبي مني وخطفني خطفه
ولاقيتني طايره مع اني واقفه
مبقتش فاهمه مبقتش عارفه
ده عمل في روحي وفي قلبي اي
في محطه المترو وانا ماشيه من يومين
خد قلبي مني
ضحكت عيونه ضحكه قولت قصدو مين
انا انا انا