مطرب صعيدي: "مش هقبل اي نجمة تصور معايا حتشبسوت غير سمية الخشاب ولو اتجوزتها هبقى تحتمس مصر"

خرجت المطرب الصعدي علاء أبو الريش، وفجر مجموعة تصريحات جريئة خلال لايف عبر موقع تحيا مصر، يطالب من خلالها سمية الخشاب الموافقة على الزواج منه، فضلا عن مشاركتها معه في أغنية جديدة بعنوان “حتشبسوت”، ويرصد تحيا مصر أبرز تلك التصريحات.

تصريحات علاء أبو الريش لـ تحيا مصر

•  سمية الخشاب متعرفنيش لكن انا واحد من ملايين المعجبين ليها لكن بزيد عليهم اني بحبها اكتر.
• هعمل أغنية بعنوان حتشبسوت واختارت الفنانة سمية الخشاب عشان فيه تقارب منها والملكة حتشبسوت.
• ناس كتير هاجمتني بسبب البوست اللي بتقدم فيه لسمية الخشاب.
• مفيش بيت في مصر سمية الخشاب مدخلتهوش.
• أنا بقدملها  دعوة لـ زيارة معبد حتشبسوت في لقصر وأتمنى تكون سعيدة وسط اهلها ووسط ناسها.
• ان شاءالله توافق ويكون ليها عظيم الشرف اني ألتقي فيها.
• مفيش حد في مصر مشفش سمية الخشاب وهي الخربوشة الوحيدة اللي ظاهر في السوشيال ميديا وعندها روح الرفاهية.
• موضوع الجواز سابق لاوانه بس انا اتمناه.
• أغنية حتشبسوت اللي هعملها هصورها في المعبد، هي الكلمات جاهرة من تأليفي وألحاني بس احنا لسه مبدأناش في الإجراءات.
• مش هقبل اي نجمة تصور معايا غير سمية الخشاب.
•  انا بتقدم لجواز سمية الخشاب دا تعبير عن حبي ليها واحترامي ليها ولو وافقت هبقى تحتمس مصر.
• الاعلام المصري مسلطش الضوء على الناس اللي بتغني صح.
• لمجرد واحد يطلع على السطوح لابس تيشيرت وبيطبل على صدره انتش واجري انتش واجري دا يعلم الناس السرقة.
• نا بصراحة ذهلت واتجننت وبقى تريند على جميع مواقع التواصل الاجتماعي وللاسف لقيت ممثلين والنجوم في مصر بيدعموه وعملوله لقاءات على قنوات التلفزيون.
•  وسمعنا ان فيه شركة اتصالات عملت تعاقد معاه ب 420 الف جنيه واحنا اللي بنغني لينا سنين مفيش حد قابلنا على الكوبري.
•  قولت لا مبدهاش انا خلاص هطلع عن المألوف وهتجنن كدا وهعمل اغنية.. هو يعمل انتش واجري وانا هعمله شقلب واقلب.

منشور المطرب الصعيدي المثير للجدل

من ناحية أخرى، كان قد أثار المطرب الصعيدي علاء أبو الريش الجدل، بعد منشور كتبه عبر حسابها الشخصي بموقع التواصل الإجتماعي “فيسبوك”، قال فيه: “الحب مش عيب ولا حرام وأنا بحب الفنانة سمية الخشاب، وهتقدم ليها ولو وافقت أبقى أسعد انسان في الكون، ولو رفضت أتمنالها السعادة وهتفضل في قلبي، حتشبسوت قلبي يا ترا هترد عليا ولا هيفضل حبي ليها سراب، تعالي في دولة الفنان، ياريت الكل يعمل مشاركة علشان نوصل للمأذون”.