بعد طلبه الزواج منها.. مطرب صعيدي: سمية الخشاب خربوشة وهيكون في لقاء بينا قريب

أثار المطرب الصعيدي علاء أبو الريش الجدل في الساعات القليلة الماضية، وذلك بعد خروجه في منشور كتبه عبر حسابه الرسمي بموقع التواصل الإجتماعي “فيسبوك"، يطلب بها يديها للزواج.

تحيا مصر يرصد في ذلك التقرير تصريحات المطرب الصعيدي عن سمية الخشاب بعد طلب يديها

تصريحات المطرب الصعيدي المتقدم بطلب يد سمية الخشاب

وتواصل تحيا مصر مع هذا الرجل ليشكف لنا تفاصيل القصة، فقال: “مبدئيا سمية الخشاب متعرفنيش لكن انا واحد من ملايين المعجبين ليها لكن بزيد عليهم اني بحبها اكتر، وأنا مطرب وكنت حابب أعمل أغنية عن حتشبسوت واللي  كانت من مؤسسين السلامة والرفاهية في مصر واللي شجعني الفنانة راندا البحيري ”.

مطرب صعيدي: “ناس كتير هاجمتني بسبب بوست بتقدم فيه لسمية الخشاب”

وتابع حديثه قائلا: “ ختارت الفنانة سمية الخشاب عشان فيه تقارب من سمية الخشاب والملكة حتشبسوت وكتبت بوست  قولت فيه: الحب مش عيب ولا حرام وأنا بحب الفنانة سمية الخشاب، وهتقدم ليها ولو وافقت أبقى أسعد انسان في الكون، ولو رفضت أتمنالها السعادة وهتفضل في قلبي”، وبعدها لقيت ناس كتير بتهاجمني وفضلوا يقولو هي مش هتوافق بيك، انت راجل صعيدي انت مين عشان توافق بيك وغيرها".

مطرب صعيدي: في تواصل مع سمية الخشاب وهيكون في لقاء قريب

واستكمل: “أنا خارج النهاردة عشان أدافع عن سمية الخشاب  وهي قدمت اعمال فنون كتيرومفيش بيت في مصر مدخلتهوش وهي اتكلمت ولا متكلمتش هي هتكلمني وقريب هنسمع أخبار حلوة، فيه حد من القاهرة بيتواصل معاها وان شاءالله هيكون فيه لقاء قريب بينا”.

ووجه لها رسالة، قائلا: “أنا بقدملها من خلال موقعكم دعوة لـ زيارة معبد حتشبسوت في لقصر وأتمنى تكون سعيدة وسط اهلها ووسط ناسها وان شااءالله توافق ويكون ليها عظيم الشرف اني ألتقي فيها".

وعن رؤيته لـ سمية الخشاب فقال: “مفيش حد في مصر مشفش سمية الخشاب وهي الخربوشة الوحيدة اللي ظاهر في السوشيال ميديا وعندها روح الرفاهية وكنت في حفلة في القاهرة وشوفتها من بعيد، لو انا طلبت منها شغل ووافقت هي من حقها تحط الشروط بتاعتها وأنا اوافق لو شروطها هتطلع لـسلم المجد وموضوع الجواز سابق لاوانه بس انا اتمناه"

مطرب صعيدي يكشف تفاصيل أغنية الجديدة مع سمية الخشاب

وكشف المطرب الصعيدي تفاصيل تعاونه مع سمية الخشاب في أغنية حتشبسوت، فقال: “اغنية حتشبسوت اللي هعملها هصورها في المعبد، هي الكلمات جاهرة من تأليفي وألحاني بس احنا لسه مبدأناش في الإجراءات ومنتظر رد الفنانة سمية الخشاب عشان مش هقبل اي نجمة تصور معايا غير سمية الخشاب، هو فيه أحد المنتجين من القاهرة كلمني أول امبارح عرض عليا فكرة ان هو هيتبنى الموضوع كله وياخد الغنوة والفكرة وهوهينتجها وهيصورها فأنا عرضت عليه شرط واحد وقولتله أنا بحب الفنانة سمية الخشاب وشايف ان حتشبسوت هي سمية الخشاب”.

واختتم حديثه: عايز أوضح للمتابعين ان انا بغلط في الفنانة سمية الخشاب ومش بتعدى حدودي معاها، بالعكس أنا بقدم لها دعوة من محافظة الأقصرلزيارة معبد حتشبسوت وبلدنا جميلة والصعيد اهل كرم واهل محبة واهل احترام، وحتى لو قولت انا بتقدم لجواز سمية الخشاب دا تعبير عن حبي ليها واحترامي ليها ولو وافقت هبقى تحتمس مصر.