صفاء جلال: معملتش دور راقصة تاني بعد مسلسل "امرأة من زمن الحب" بسبب جوزي

أكدت الفنانة صفاء جلال على أن بعد قيامها بتجسيد دور الراقصة في مسلسل “امرأة من زمن الحب” اشترط عليها زوجها بعدم تجسيد مثل هذه الأدوار مرة أخرى.

تحيا مصر يرصد تفاصيل تصريحات صفاء جلال عن زوجها

حيث قالت الفنانة صفاء جلال في حوارها اليوم ببرنامج “كلام الناس”: “بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني، وهو قالي احنا هنكمل تمثيل بس بلاش دور رقاصة تاني خالص فعشان كدا معملتش دور رقاصة”.

رأي صفاء جلال في الزواج

ومن جانبه، كشفت الفنانة صفاء جلال عن رأيها في منظومة الزواج، حيث قالت: “الجواز عامة تفاهم واحترام وحاجات كتير لازم تبقى احنا الاتنين بنشوف ايه اللي يزعل التاني ومنعملوش، ودايما أول لما الدور بيجيلي لو فيه اي محاذير أخلاقية مش بعمله حتى لو بيعملي اي هوالحمد لله احنا بقالنا دلوقتي 24 سنة مع بعض”.

وتابعت صفاء جلال حديثها قائلة: “والحمد لله أنا مندمتش على حاجة خالص وبحمد ربنا على النعم الكتير جدا اللي ربنا مديهالي زي جوزي وبناتي وأمي وأخواتي واصحابي وشغلي، ويكفيني وأنا ماشية في الشارع الناس تقولي احنا بنحبك وبنحترمك”.

صفاء جلال تكشف عن عمرها الحقيقي

وفي الحلقة ذاتها كشفت الفنانة صفاء جلال عن عمرها الحقيقي، مشيرة إلى أن أصدقائها يغضبون منها عندما تفصح عن سنها في البرامج، حيث قالت: “أنا بطلع كل سنة كل صحابي يتخانقوا معايا كل سنة أقول أنا كملت 48.. أنا شايفة أن أنا الحمد لله عيشت كل مرحلة عمرية بكل حاجة فيها حلوة ومر فمش بتكسف أني أقول أنا عندي كام سنة.. والناس بقيت ذكية أوي يعني مش هطلع اقولهم انا عندي 35 سنة وعمر ما السن شكل ليا مشكلة”.

كما أوضحت الفنانة صفاء جلال أن عمرها لايسبب لها أي مشاكل إلا في عملها بسبب ملائمة الأدوار لسنها، حيث قالت: “بس شكل ليا مشكلة دلوقتي في الشغل أن أنا صغيرة على الادوار الكبيرة وكبيرة على الادوار الصغيرة”.