صفاء جلال: مش بتكسف أقول سني الحقيقي.. وعملت عمليات تجميل

كشفت الفنانة صفاء جلال في حوارها اليوم ببرنامج “كلام الناس” مع المذيعة ياسمين عز عن عمرها الحقيقي، كما أوضحت أن ذلك لا يضايقها أبدًا.

تحيا مصر يرصد تصريحات صفاء جلال عن السن وعمليات التجميل

حيث قال الفنانة صفاء جلال: “أنا بطلع كل سنة كل صحابي يتخانقوا معايا كل سنة أقول أنا كملت 48.. أنا شايفة أن أنا الحمد لله عيشت كل مرحلة عمرية بكل حاجة فيها حلوة ومر فمش بتكسف أني أقول أنا عندي كام سنة.. والناس بقيت ذكية أوي يعني مش هطلع اقولهم انا عندي 35 سنة وعمر ما السن شكل ليا مشكلة”.

مشكلة السن بالنسبة لصفاء جلال

ومن جانبه، أشارت الفنانة صفاء جلال إلى أن عمرها سبب لها مشكلة في الفن، حيث قالت في برنامج “كلام الناس”: “بس شكل ليا مشكلة دلوقتي في الشغل أن أنا صغيرة على الادوار الكبيرة وكبيرة على الادوار الصغيرة”.

وتابعت صفاء جلال حديثها: “ففي فترة زمنية في حياة كل فنانة بتبقى السن بالنسبالها صعب فأنا دلوقتي بعمل أحسن حاجة بتجيلي عشان أقدم ادوار كويسة للجمهور، في حاجات لما بعملها بسني والممثل أصغر مني شوية بنقول أن احنا الست دي متجوزة من وهي صغيرة عشان الناس تصدقنا”.

عمليات التجميل

وفي الحلقة ذاتها كشفت صفاء جلال أنها قامت بإجراء عملية نحت القوام حتى تنقص من وزنها، وقالت في برنامج “كلام الناس”: “عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش وكان عندي مشكلة في الأكل بليل.. روحت عملت الكبسولة وكانت لطيفة معايا عشان كنت محتاجة أنزل 10 15 كيلو وفعلا نزلتهم ودلوقتي بكمل دايت وبروح الجيم”.

وأضافت صفاء جلال قائلة: “وهو مجهود على اي ست وبالذات اللي عدت 45 بتبقى عارفة انها بتبذل مجهود اكتر من بنوتة عندها20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدا وبحاول على قد ما بقدر اوصل لشكل لطيف والناس تتقبله”.