محمد شاهين عن مسلسل الليلة واللي فيها: أبيوسف ممثل خطير والشغل مع هاني خليفة ورشة تمثيل | حوار

تحدث الفنان محمد شاهين خلال حواره مع تحيا مصر عن تجربته في العمل مع المخرج هاني خليفة بمسلسل “الليلة واللي فيها” وعن رأيه في الرابر أبيوسف كممثل.

وقال محمد شاهين لـ تحيا مصر: أنا بحب الأدوار المركبة، والأقرب لقلبي اعمل حاجة مش متوقعة وحاجة مش من شخصيتي وشايف إن نهاية المسلسل بالنسبالي عظيمة، عشان كل واحد فكر في ايه اللي هيحصل بعد كده، وهو ده عقاب رشا، وكله عمال يسأل دي هيحصلها ايه، وكان عقاب نفسي ليها وبيخلي كل واحد يا ترى هيحصل ايه.

محمد شاهين: الشغل مع هاني خليفة مختلف

وعن رأيه في تكرار تجربة الليلة واللي فيها إذا كان له جزء ثاني، قال: معنديش مانع اعمل جزء تاني وشايف إن 6 حلقات كويس عشان لو طولت هيبقى سرد.. المسلسل مكتوب بالمللي والسنتي.

وتابع عن مدى استفادته من العمل مع هاني خليفة، قائلًا: كلنا في المسلسل مكناش بنمثل، كلنا كأننا كنا في ورشة تمثيل وبنتعلم من هاني خليفة، ودي مدرسة أنا مبسوط إني دخلتها.

واستكمل كلامه عن هاني خليفة: والشغل مع أستاذ هاني مبيعديش كده، هو لما بيشوف إن العين صادقة في المشهد مبيعيدش، لكن بيعيد المشاهد لو العين مش صادقة أو مش حقيقيه، وعن كئابة الديكور المستخدم في المسلسل أثناء التصوير، قال: كنا جوا مكان التصوير مخنوقين.

محمد شاهين مازحًا: ممكن أعمل شخصية سماح أنور

وأردف مازحًا عن اختياره شخصية لتجسيدها من “الليلة واللي فيها” غير شخصيته التي جسدها، قال: ولو عملت شخصية تانية غير شخصيتي في المسلسل هعمل سماح أنور.

محمد شاهين عن أبيوسف: ممثل عظيم وبحب أغانيه 

وعن رأيه في العمل مع أبيوسف، قال: مكنش في بيني وبين أبيوسف مشاهد، وحتى لما اتقابلنا كانت مرة كان هو مخلص، وفكرة اختيار الممثلين من عند هاني خليفة، وكل واحد سواء من أبيوسف وعلاء مرسي وسماح أنور وزينة بيمثل حاجة مش موجودة فيه.

وصرح محمد شاهين أنه مستمع للرابر أبيوسف مشيدًا بموهبته، قائلًا: أبيوسف تمثيله عظيم وخطير جدًا، وشايف إنه يكمل مع مخرجين يقدروا يطلعوا منه حاجة، وبحب أغانيه هي لذيذة وكلماته بتقول حاجات حقيقيه.