إيمي طلعت زكريا تحيي ذكرى وفاة والدها الثالثة: سايب لنا سيرة حلوة وربنا بيطمني عليك

حرصت الفنانة المصرية إيمي طلعت زكريا على إحياء ذكرى رحيل والدها الفنان طلعت زكريا الثالثة، الذي تحل اليوم السبت الموافق 8 أكتوبر، معربة عن افتقادها واشتياقها له.

تحيا مصر يرصد إحياء ذكرى وفاة طلعت زكريا الثالثة. 

ذكرى وفاة طلعت زكريا الثالثة 

ونشرت إيمي صورة لوالدها الراحل وصورة من جنازته عبر حسابها الرسمي بموقع تبادل الصور والفيديوهات القصيرة انستجرام، وعلقت عليها قائلة: "8 أكتوبر تاريخ لا يُنسى الذكرى السنوية الثالثة.. 3 سنين فاتوا وأنت مش معايا بـ جسدك ولكن عايش معايا بـ روحك وأنا مبسوطة إن ذكرى وفاتك صادفت يوم جميل وهو يوم المولد النبوي الشريف".

وأضافت: أنا عارفة إنك في مكان جميل أوي وأحسن من هنا بـ كتير، وربنا دايما بيطمني عليك، أنت جميل أوي يا بابا وسايب لنا سيرة حلوة من بعدك وكل الناس بتحبك وبتدعي لك.. ربنا يرحمك يا حبيبي في الجنة ونعيمها أنت وأمواتنا جميعًا.

علاقة ايمي طلعت زكريا بالفنانة هنا الزاهد

على الصعيد الآخر، تحدثت إيمي عن علاقتها بالفنانة هنا الزاهد، وشقيقاتها قائلة: «أنا فعلًا بعتبر هنا وأخواتها إخواتي لأن فعلًا بابا كان بيحبهم جدًا، وانا أي حد بابا كان بيحبه أنا بحبه، لسه حتى الأسبوع اللي فات كنت عندهم أنا وعمر، كنا سهرانين عندهم لحد بعد الفجر، وكانت هنا موجودة، وكنا قاعدين وأحمد قاعد يكلمنا فيديو كول، إحنا عيلة بعيد عن أي كلام مفيش غِيرة، يعني أنا لاين، وهنا لاين تاني خالص، ودايمًا أي حاجة بتعملها أنا ببارك لها، وهي أي حاجة أنا بعملها هي بتبارك لي، وعلى طول مع بعض، وبنقعد مع بعض نفتكر بابا، ولازم نقرأ له الفاتحة وإحنا قاعدين مع بعض متجمعين».

وتابعت: «هو زمانه مبسوط دلوقتي، حتى علاقة مامت هنا بـ مامتي حلوة جدًا جدًا، إحنا مع بعض، وكويسين مع بعض، ومامت هنا كانت قاعدة جنب ماما، في العزا وبيخدوا العزا».

وأضافت: «رغم إنه كان انفصل عن مامت هنا، قبل الوفاة بسنة، بس علاقتنا كانت كويسة، أنا بحبهم بحسهم إن هما إخواتي، بينا حاجات كتير ومواقف كتير، ف لا مفيش بينا حاجة تانية خالص.. وأنا كان نفسي أشتغل مع الزعيم، لكن ده محصلش، اشتغلت مع سمير غانم، وحسن يوسف، طبعًا ووقفت قدامهم على خشبة المسرح ده بالنسبة لي أنا كدا اكتفيت».