دعاء فاروق غاضبة: لحد امتي الستات هتفضل تتهان وتتمرمط ومحدش يعرف يجيب لها حقها

خرجت الإعلامية دعاء فاروق لتعرب عن غضبها من الظلم التي يقع على السيدات من أزواجهم، وذلك من خلال رسالة كتبتها عبر حسابها الرسمي بموقع التواصل الإجتماعي فيسبوك، من مأساة زوجة مع زوجها، معلنة مقاضاته.

تحيا مصر 

دعاء فاروق تروي مأساة زوجة مع زوجها: “ست شقيانة متجوزة بلطجي وشمام بيضرب بفلوسها”

كتبت دعاء فاروق عبر حسابها الرسمي بموقع التواصل الإجتماعي “فيسبوك": ”لحد امتي الستات هتفضل تتهان وتتمرمط ومحدش يعرف يجيب لها حقها.. رباب الست المحترمة اللي بتشتغل عندي بقالها 13 سنة ربت لي عيالي وصانت أكل عيشها معايا وحافظت على بيتي بمنتهي الأمانة، أشهد لها بالنضافة والأمانة والأدب والإخلاص والأخلاق، شقيانة طول عمرها عشان تربي بنتها وابنها أحسن تربية ومتجوزة بلطجي شمام بيضرب حشيش بفلوس شقاها وشغلها عندي.".

دعاء فاروق تتوعد للزوج

وتابعت دعاء فاروق قصتها متوعدة للزوج، فقال: “أنا هنزل أعمل فيه بلاغ حالا لأنه بيهددها بأنه يرمي في وشها ماية نار الضلالي اللي سرق عفشها كله ونقله على بيت أمه، وسرق جهاز بنتها العروسة اللي غصب عني مضطرة أقول إن أنا اللي بجهزها من عندي من المعارض سرق كل ده وطردهم من شقتهم اللي أنا آسفة إني مضطرة أقول إني بدفع لها إيجارها وتأمينها وبيهدد الست صاحبة البيت إنه عاوز التأمين وإلا هيفك موتور الماية وهياخده بلطجة كده”.

وأضافت: “الست بتجيلي يوماتي جسمها أزرق من كتر الضرب اللي في جسمها وبيكتم بقها وبيعذبها حرفيا، بياخد فلوسها يشرب بيها حشيش ويضربها، ياما قلت لها اطلقي وامشي اطلقي وسيبيله كل حاجة وامشي تقوللي أخاف ياخد مني عيالي، دلوقتي رباب في غيبوبة سكر وعيالها كلموني بيستنجدوا بيا ومنهارين علي أمهم الشقيانة ومش طايقين أبوهم اللي راح يسحب ورق الولد من المدرسة مش عاوزه يتعلم وبيهددهم إنه هيحرق قلبهم علي أمهم.. طيب يا راجل يا ضلالي ياللي سرقت عفش وجهاز بنتك اللي مراتك جايباه من شقاها انا هعمل بلاغ رسمي للجهات الرسمية فيك وهنزل حالا أجيب حق رباب بالقانون قبل ما تتقتل فطيس".

دعاء فاروق: هلحق الجريمة قبل ما تحصل واعمل محضر عدم تعرض

واختتمت حديثها، قائلة: هلحق الجريمة قبل ما تحصل وبالمرة هروح أعمل محضر عدم تعرض لأنه أكتر من مرة يهددها إنه هيضايقني.. طيب يا بلطجي عصرك وأوانك أنا ببعت استغاثة للجهات الأمنية عشان أنقذ الست الغلبانة وعيالك الغلابة اللي بيكلموني مفطورين من العياط من بطشك وظلمك وقلة أدبك.

من ناحية أخرى، كانت قد عانت دعاء فاروق منذ أزمة حادة، بعد إصابة زوجها بنزيف شديد في الدم أدى إلى تدهور حالته الصحية،  والتي أعلنت عنه عبر حسابها الشخصي على موقع التواصل الاجتماعي فيس بوك، قائلة: " طيب مضطرة لأول مرة أستغيث جوزى بينزف نزيف شديد وانا فى طوارئ مستشفى زايد التخصصي حد يلحقنى".