كريم الحسيني: تعبت وزعلان على طاقتى اللى بتروح منى وبتُهدر

أعرب الفنان كريم الحسيني عن استيائه وغضبه من قلة أعماله الفنية في السينما والتليفزيون، واقتصار أعماله على المسرح فقط، مشيرا إلى أنه أصبح متعب ومرهق من هذا الأمر.

تحيا مصر يرصد في ذلك التقرير رسالة كريم الحسيني للجمهور

كريم الحسيني: “تعبت في عز توهجي على خشبة المسرح اليومين دول”

كتب كريم الحسيني عبر حسابه الرسمي بموقع التواصل الإجتماعي “فيسبوك”: أنا تعبت بجد .. جبت أخرى وطاقتى خلصت .. ورغم انى الحمد لله بشهادة الجميع فى عز توهجى على خشبة المسرح اليومين دول .. وفى عز توهجى كمدرب تمثيل ودوبلاج وتمثيل إذاعى سواء على مستوى الورش أو على مستوى التدريس فى الجامعه .. لكن برضه من حقى أنا أقول انى تعبت".

وتابع حديثه: “ومابقتش قادر اتحمل .. عارف انى فى نعمه .. لكن أنا #ممثل والله ممثل .. بحب السيما والڤيديو واللعب بالشخصيات المتنوعه .. بحب السيما عشان مُخلده .. احنا لحد دلوقتي بنتفرج على افلام أ. فؤاد المهندس والريحانى ومدبولى أكتر ما بنتفرج على مسرحياتهم”.

كريم الحسيني:  تعبت وزعلان على طاقتى اللى بتروح منى وبتُهدر

وأضاف كريم الحسني خلال منشوره: “زمان وانا عندى ١٥ سنه خدت ورشة تمثيل مع العبقرى الفنان سيد رجب .. ساعتها قولتله انت ازاى مش بتمثل .. قالى أنا مفحوت مسرح وورش .. وكله على الله .. بس انا تعبت ياكريم .. دلوقتي بقول نفس جملة أ.سيد رجب”.

واختتم حديثه: “انا تعبت وزعلان على طاقتى اللى بتروح منى وبتُهدر .. أنا كنت ولازالت بحلم انى ابقى زى النجوم محسن محى الدين / حسن يوسف / أحمد زكى / عادل امام / محمود عبد العزيز / الفخرانى هرم زى الاهرامات دول  أنا ممثل .. والله العظيم ممثل دعواتكم  بالله عليكم ”.

أخر أعمال كريم الحسيني

من ناحية أخرى، كانت أخر أعمال كريم الحسيني مشاركته في مسرحية “أمر تكليف” إلى جانب عدد كبير من نجوم الفن وهم فادي خفاجة، محمد الأباصيري، إيهاب بكير، إسلام ماهر، عزة لبيب، وعدد آخر من الفنانين، والمسرحية من تأليف عيسى جمال وإخراج باسم قناوي، وأتى ذلك بعدما أحدث ضجة عريمة عبر مواقع التواصل الإجتماعي بمشروع بيع القهوة.