احتفالًا بذكرى أكتوبر.. نجلة فاروق فلوكس: "بابا بيقولكوا صباح النصر"

نشرت يسر فاروق فلوكس مجموعة من الصور لوالدها، التي ظهر فيها بعلامة النصر احتفالًا بذكرى أكتوبر المجيدة ولك عبر حسابها الرسمي بفيسبوك.

تحيا مصر يرصد لكم أحدث ظهور لـ فاروق فلوكس 

وعلقت نجلة فاروق فلوكس على الصور التي نشرتها لوالدها على موقع التواصل الإجتماعي فيسبوك: عم فلوكس بيصبح عليكوا وبيقولكوا صباح النصر.. يا احلي بابا في الدنيا ربنا يخليك لينا ويحفظك ويسعدك ويراضيك يا سندي وضهري وحبيب عمري بحبك اد عمري كله.

ويذكر أن وجه الفنان أحمد فلوكس هجوم شديد اللهجة، للفنان محمد رمضان خلال الأيام المضاية، بعد تصريح سابق له ببرنامج بيت العيلة مع الإعلامية نجوى إبراهيم على قناة النهار.

محمد رمضان يوجه إساءة لـ فاروق فلوكس 

وقال محمد رمضان خلال اللقاء: فى فنان كبير عمل أشياء أرفض أن افعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قدير.

ليخرج أحمد فلوكس مدافعًا عن والده، عبر حسابه الرسمي بموقع التواصل الإجتماعي فيسبوك: شوف يا حماده، انت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وانت ما شاء الله ناجح في ده جداً وبتعمله سهل وانت عريان ما دريان.

وتابع: نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة حلمه هيكون أكبر من كده، هيكون نمبر وان.

أحمد فلوكس لـ محمد رمضان: الحمد لله أبويا مخلفش واحد مسجل نشل 

وأضاف فلوكس: أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان.

واختتم أحمد فلوكس كلامه: وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار.