حميد الشاعري: ويجز مشروع غنائي متكامل ممكن يوصل للهضبة ومستعد ألحن لحمو بيكا

حل المطرب حميد الشاعري، ضيف على برنامج “حبر سري”، الذي تقدمه الإعلامية أسما ابراهيم عبر قناة القاهرة والناس، والذي كشف خلاله عن عدد من أرائه المختلفة.

تحيا مصر يرصد في ذلك التقرير تصريحات حميد الشاعري في حبر سري

حميد الشاعري: مدخلتش الفن عشان الثورة وهذا سر خلافي مع حلمي بكر

تحدث حميد الشاعري عن دخوله في مجال الإعلانات، مشيرا إلى أنه يختار إعلاناته بعناية، فأشار: “أول اعلان عملته كان يلا نكمل مع سمير غانم وغيره لازم عشان أعمل إعلان يكون قيمة ويوصل للناس ويكون شئ كويس عشان أعمله، أنا مدخلتش الفن عشان أعمل ثروة، أنا بحب الفن وسيبت شغلي الأساسي “طيار فني” عشان الفن، ابداع وحلاوة”.

وعن خلافه مع الملحن حلمي بكر، فقال: “كنت في عزل طبي الفترة دي ولقيت فيه حوار كدة مع إننا كنا عاملين قنابل مع بعض وهي الحلم العربي، ومعرفش اي اللي حصل، بعدها شال البوست، وهو طبعه كدة واتعودنا عليه، والولاد كبرت، التليفزوين جهاز خطير وأنا استاذ حلمي مفيش خلاف بينا والأجيال هما المشكلة لكن أنا بحبه وبحترمه وهو دخل بيتي”.

حميد الشاعري: أنا ضد المنع.. وممكن ألحن لحمو بيكا أغاني بس على لوني

وكشف حميد الشاعري عن رأيه في منع حمو بيكا من الغناء اذ تولى كرسي نقابة المهن الموسيقية، فقال: “في الأغاني مفيش أفضل وأسوأ فيه أغنية حلوة وأغنية غير موفقة فمقدرش أتكلم في الموضوع ده بس أنا ضد المنع، ممكن أغير الأغنية ولو طلب مني ألحنله أغانيه هلحنهه بس على طريقتي.. هو عشان مش بمسمع لونه يبقى أمنه؟”.

وتطرق حميد بالحديث عن هاني شاكر، فاقل: “هاني شارك صورة كويسة لينا في العالم، وكان وجهة كويسة للفنانين وقامة وتاريخ، وعمر خيرت وجهة قيمة للفن لو كان مسك النقابة في حالة عدم نجاح مصطفى كامل، أما أنا نيلة في الحاجات دي”.

حميد الشاعري: ويجز مشروع غنائي متكامل وممكن يوصل للهضبة

وأشاد حميد الشاعري خلال البرنامج بمطرب الراب الشهير ويجز، فقال: “الواد ده كويس في جيلة وكل شوية بيطلع وهو ممتاز، وبالنسبالي مشروع غنائي متكامل وممكن في يوم من الأيام يوصل للهضبة بس في جيله ومش شرط عشان مش فاهم كلامه يبقى ما احبهوش لازم نسمعه، وبقوله كمل انتي شاطر وهتحقق نجاحات كتير".