رضوى الشربيني بعد الهجوم على ياسمين عز: الإعلامية لازم كلامها يكون حلو زي مظهرها

خرجت الإعلامية رضوى الشربيني لـ تدافع عن زميلتها الإعلامية ياسمين عز، وذلك بعد تعرض الأخيرة لموجة هجوم شنيعة بسبب تصريحاتها الأخيرة ودفاعها عن الرجال.

تحيا مصر يرصد في ذلك التقرير دفاع رضوى الشربيني عن ياسمين عز

رضوى الشربيني تدافع عن ياسمين عز

قالت رضوى الشربيني خلال برنامج Et بالعربي: “أنا بعيدة خالص عن السوشيال ميديا، لكن بشكل عام برفض التنمر تماما شكلا وموضوعا سواء على ياسمين عز وأي واحدة، من التنمر السلبي اننا بنمسك بنت أو اي واحد ونتريق عليها عشان نبقى تريند، وأنا مقتنعة إن الإعلامية لازم يكون كلامها حلو زي مظهرها ويكون عقلها واعي لأن الجمال سبب من أسباب النجاح ولكن مينفعش نعتمد عليه”.

تصريحات ياسمين عز عن الرجال

وكانت قد أثارت الإعلامية ياسمين عز الجدل بعد تصريحاتها عن الرجال ودفاعها المستمر عنهم، والتي جاءت: أنتي فاكرة أخر مرة قولتي لجوزك قصة شعرك حلو.. أو خد البرفيوم دي حلوة أوي جربها عليك!.. دايمًا حسسيه بالتاتس بتاعك في حياته، شكله.. هدومه.. الحركات دي، عشان دايمًا يكون محتاجلك، دايمًا يحس إنك لو مقولتيلوش على حاجة ولو بسيطة يحس إن في حاجة ناقصة.

وتابعت: والله لو اهتميتي بجوزك نص الإهتمام اللي بتهتميه لغسيل السجاجيد، وغسيل المواعين عمره ما يفكر يبص لواحدة برا غيرك.. واللي أنتي مش عارفاه إن الراجل أساسه طفل، طول الوقت محتاج رعاية واهتمام، اعتبريه ابنك وشوفي معاملته معاكي هتتغير ازاي.. جوزك دايمًا محتاج يحس بلهفتك، بخوفك عليه، محتاج يحس إنه رقم واحد في حياتك، محتاج يحس إن الدنيا كلها ممكن تيجي عليه إلا أنتي ويحس إنك أمه البديلة، اللي لو طالت تطلع اللقمة من بوقها تديهاله هتعمل كده.

الجمهور يهاجم ياسمين عز

وبعد دقائق من تصريحاتها، خرج عدد كبير من الجمهور ورواد السوشيال ميديا لـ التعبير عن غضبهم من ياسمين عز، وكان من بينهم أيضا عدد من نجوم الفن على رأسهم الفنان خالد سرحان والفنان نبيل الحلفاوي، وبدأ الجمهور يخرجون هذا الخبر بـ نشر صور قديمة لها في بداية حياتها المهنية والتنمر عليها.