أحمد أخويا بينصحني منصحوش ولما بتوتر بروح السوبر ماركت.. أبرز تصريحات عمرو سعد

حل الفنان عمرو سعد ضيف برنامج “جوسبس” في البوكس، الحلقة الـ 70 الذي يعرض عبر موقع الفيديوهات الشهير يوتيوب، وكشف العديد من الأسرار عن حياته لأول مرة.

تحيا مصر يرصد لكم تصريحات عمرو سعد في برنامج “جوسبس”

أبرز تصريحات عمرو سعد 

• وزني وشكلي زي ماهو بسبب الكسل
• أنا بسقط وبريح وفي أيام بتعدي مش بهري كتير
• أحمد سعد أخويا بينصحني مانصحوش
• أخويا ماشي كويس لوحده وقال يا عم كنت نفعت نفسك
• أنا مؤمن ان لازم كممثل يبقى جسمك فايق ولما بتاكل قليل بتعرف تفكر أعلى
• بدلة ضياء صحبي اللي استلفتها في العرض الخاص بتاع المصير راحت أفراح وعزاء
• معنديش طريقة لبس معينة عشان مودي ودماغي بتتغير دايمًا

• كل الناس مهندسين ديكور عشان المهنة قريبة من العين
• مفيش أي حاجة مشتركة بيني وبين أحمد أخويا غير أمي وأبويا
• سقطت في اختبارات معهد السينما
• كنت عايز اغني من وأنا بطفل
• غنيت وأنا اعدادي في مدرسة بنات بس بوظت العرض وفقدت النطق
• واحد من الناس قال فين أمه تيجي تاخده
• جبت فرقة في الكلية وجيت اغني راح الساوند ضرب
• لو بنتي حبيبه قالتلي على أي حاجة بعملها مش حلوة هغيرها
• باخد قراراتي بنفسي عشان ابقى مسؤول عنه
• لما ببقى متوتر بروح السوبر ماركت
• بقالي فترة مهتم بالتأمل بيحقق تسامح وتصالح مع النفس
• ابني رامي ابني اخد مني الإعتزاز بنفسه
• ابني علي خد مني حب الونسة
• بنتي حبيبه خدت مني الخجل الإجتماعي
• ابني رامي زكي جدًا
• مصطفى شعبان عنده وسواس نضافة
• صبا مبارك دمها خفيف جدًا وبنت نكتة ومترددة
• أسماء أبو اليزيد عندها تركيز أزيد من اللازم وبتاخد الموضوع على صدرها أوي
• ياسمين رئيس طيبة وبنت نكتة ومبدعة

أحمد سعد: عملت أغنية وسع وسع عشان أخويا عمرو 

ويذكر أن أعرب الفنان أحمد سعد عن حبه الشديد لشقيقه عمرو الذي يشجعه على عمله ويسانده باستمرار.

وقال أحمد سعد خلال لقائه مع برنامج ET بالعربي: أنا شهادتي في عمرو مجروحة بس أنا من مريدينه، وبحبه فنيًا وشخصيًا وبتأثر بيه في حياتي اليومية ودايما بيشجعني أعمل أغاني بشكل جديد ومختلف وعملت أغنية وسع وسع علشانه والناس بتحب الشكل ده اللي فيه قوة وتحدي ومش قصدي حد بعينه ولا بنافس أي شخص.