مدربة ياسمين صبري تكشف حقيقة حملها.. تفاصيل

حالة واسعة من الجدل، أثارتها الفنانة المصرية ياسمين صبري بعد أن أجابت على سؤال الفنانة إسعاد يونس خلال لقائها في «صاحبة السعادة» بشأن لأمومة، بـ «خليها مفاجأة»، وهو ما أثار التساؤلات حول حمل ياسمين صبري.

تحيا مصر يرصد حقيقة حمل الفنانة ياسمين صبري. 

مدربة ياسمين صبري تحسم الجدل حول حملها

وعلق مدربة اليوجا الخاصة بها فريدة أبو الدهب على الأمر حيث قالت خلال لقائها مع «ET بالعربي»: "ياسمين كانت مهتمة بالحمل والأمومة لما كنت أنا  حامل فأكيد الموضوع في دماغها".

علاقة مدربة اليوجا بالفنانة ياسمين صبري

وأضافت متحدثة عن  علاقتها بياسمين قائلة: «إحنا نعرف بعض من زمان في اسكندرية واسكندرية صغيرة فكلنا نعرف بعضنا وبنشوف بعض في النادي، ولما فتحت المكان بتاعي كلمتني وإنها عاوزة تجرب»، وقالت إن ياسمين رياضية بطبيعتها ولهذا كان جسمها جاهز لممارسة اليوجا خاصة مع الأوضاع التي تؤديها والتي تنشر صورًا لبعضها على مواقع التواصل الاجتماعي".

تصريحات ياسمين صبري مع صاحبة السعادة

من جانبه، قالت ياسمين صبري خلال حلولها ضيفة على برنامج صاحبة السعادة الذي تقدمه الإعلامية إسعاد يونس: "مش حاسة إنى عندى ندم ولا أسف على حاجة ووخده الجانب الإيجابى فى كل حاجة، والفترة اللى جاية نفسى أكون أحسن وساعات أسأل نفسى إيه رسالتى فى الحياة ولغاية النهاردة بدور على الموضوع ده وبحس أنه طريق ملوش نهاية".

وتابعت: "أكتر وقت حسيت بالاكتئاب لما جبت ملحق فى مادة الحساب فى الثانوية العامة، ولكن خبيت على أهلي وقولتلهم إني نجحت، ووقتها بقى عرفت أن عندى اكتئاب لما كنت بصحى وأقول أنا ليه صحيت على الواقع ده اللى هو أنى أجيب ملحق يعنى ".

وأضافت: "الفنان محمود عبد العزيز في مسلسل جبل الحلال كان بيعاملنى أكنى بنته وبينصحنى وبيكلمنى، وقالى خلى بالك من الدايرة اللى حواليكى هما دول اللى بيوقعوا، وبحمد ربنا أن ربنا حط ناس كويسة في حياتى من بدرى، وغير انى بسمع للى حواليا أنا عندى عينين وبدور وأقول لنفسى أقدر أعمل إيه أحسن من كده".