خاص| دعاء حلمي عن أزمة إلغاء حفلات محمد رمضان: هجوم ممنهج وبضراوة

علقت الناقدة الفنية دعاء حلمي على أزمة إلغاء حفلات الفنان محمد رمضان، مشيرة إلى أن هذا الأمر يرجع إلى مؤامرة وحملة ممنهجة ضده من شخص داخل الوسط الفني.

تحيا مصر يرصد تعليق الناقدة الفنية دعاء حلمي على أزمة إلغاء حفلات محمد رمضان. 

دعاء حلمي تكشف السر وراء إلغاء حفلات محمد رمضان

وقالت دعاء حلمي في تصريح خاص لموقع تحيا مصر: "رأيي في موضوع محمد رمضان مختلف شوية، لأني أنا كنت دايمًا بهاجمه طول الوقت، لأنه كان بيعمل تصرفات سيئة والناس كانت بتتضايق سواء بالنسبة لموضوع الطيار أبو اليسر أو الدولارات اللي بتترمي في البسين".

وتابعت:" لكن الحقيقة دا مبيحصلش بقاله فترة، بالعكس عمل أعمال متميزة.. فبتالي انا مش شايفة مبرر للهجمة اللي حاصلة دي "

وأضافت: "أنا شايفة أن في حسابات أخرى، وفي حد معين محمد رمضان بيلحق عليه انه بيمنعه، وانا عارفة مين الحد دا وشايفة انها مؤامرة على الأقل في الحفلات، لأن من امتى اسكندرية بتلغي حفلات..انا شايفة ان اللي بيحصل دا هجوم ممنهج وبضراوة".

آخر أعمال محمد رمضان الغنائية

جدير بالذكر أن آخر أعمال الفنان محمد رمضان الغنائية «دوشة» وهي من كلمات وألحان فريق الباور العالي، وتنفيذ شركة شو ميديا برودكشن، ومن إخراج محمد سمير.

كلمات أغنية دوشة محمد رمضان

صاحي ومش شايف قدامي
فين النضارة عيني تعباني
حاسس بصداع جوا دماغي
مع اني شارب اتنين قهوة
لا متخوتناش وبلاش روشة
ابعد عني دماغي انا قافشه
راكب عربيتي وبتمشى
طلبت معايا اني اعمل دوشة

دو دو دو دو دوشة
طلبت معايا اني اعمل دوشة
دو دو دو دو دوشة
طلبت معايا اني اعمل دوشة

وانا رايح اجيب العربية
راكنها بعيد اصلي شوية
حاسس بخيال وبمرازية
ودماغي مش فايقة الليلة دية
عايزك تنساني وتلاشاني
مثبوت في بطاقتي انا عنواني
مش حمل انتوا الوش التاني
تلاشاني عشان انا كده هعمل دوشة

دو دو دو دو دوشة
تلاشاني عشان انا كده هعمل دوشة
دو دو دو دو دوشة

تلاشاني عشان انا كده هعمل دوشة
بقصف الجبهه وبقولك تروق
امك بتصرف عشان الـ View
مجرد ما تفكر بكون جبت جول
استنى معايا تليفون

الو

قفشت الفيراري وخمست في عطارد
دي مش دلقة قهوة دي دماغه اللي طارت
افكاري بتنحت في دماغه ف فارت
وطول مانا ثابت انا هعمل دوشة

دو دو دو دو دوشة
وطول مانا ثابت انا هعمل دوشة
دو دو دو دو دوشة

تليفوني بيرن عندي حفلة
وميعاد طيارتي جه على غفلة
عيني مش مفتوحه كانت قافلة
وبدأت اسقط في الطافيه
مسطول وقفني هات سيجارة
ماترد تقولي ايه العبارة
رجالتي بتستني اشارة
ساعة التنفيذ نعمل دوشة

دو دو دو دو دوشة
ساعة التنفيذ نعمل دوشة
دو دو دو دو دوشة

صاحي ومش شايف قدامي
فين النضارة عيني تعباني
حاسس بصداع جوا دماغي
مع اني شارب اتنين قهوة
لا متخوتناش وبلاش روشة
ابعد عني دماغي انا قافشه
راكب عربيتي وبتمشى
طلبت معايا اني اعمل دوشة