اللي عايزني يطلب ايدي من طارق مدكور وأم كلثوم مبقتش كده غير بمساعدة اللي حواليها.. أبرز تصريحات شيرين عبد الوهاب

فجرت الفنانة المصرية شيربن عبد الوهاب عدد من التصريحات القوية خلال مداخلة تليفزيونية لها مع الإعلامي يوسف الحسيني، مقدم برنامج التاسعة.

ويرصدها تحيا مصر في السطور التالية:

تصريحات قوية للفنانة شيرين عبد الوهاب 

• من يوم ما قولت أي حد طالبني للجواز يتواصل مع الموسيقار طارق مدكور وهو عايز يغير عنوانه من كتر العرسان اللي بتجيله

• اتشرفت جدًا بمقابلة فخامة الرئيس

• شئ عظيم أني أغني في حدث عظيم زي ده وشئ عظيم أكتر أني أشوف سيادة الرئيس

• أنا كنت فرحانة أوي وحسيت أني شبعت لما شوفته

• هو دايمًا بيبقى سعيد بالسلام الجمهوري اللي بعمله

• نشأتي مصرية وعتيقة أوي وأنا من ضمن خيرات مصر

• نشرت أغنية جديدة، وهى تجربة جديدة علي والجمهور سعد كثيرا بهذا اللون من الغناء

• عمرو مصطفى هو من لحنها وأمير طعيمة كتبها فعملت مع مجموعة محترمة فنانين كبار وكملت بهم

• أم كلثوم لم تكن أم كلثوم إلا بمساعدة كل كم حولها من شعراء وملحنين

• وأى فنان لا يكتمل نجاحه إلا بالعناصر التي تكمله من شعراء وملحنين وموزعين

شيرين عبد الوهاب تطرح أغنية المترو

من جانبه، أعلنت الفنانة شيرين عبد الوهاب عبر حسابها بموقع تبادل الفيديوهات والصور انستجرام، طرح أغنيتها الجديدة «المترو».

أغنية “المترو” كلمات : امير طعيمة، ألحان : عمرو مصطفى، توزيع و فواصل موسيقية : El Nabulsi، تسجيل غناء، ميكس و ماستر: طارق مدكور.

كلمات اغنية المترو غناء شيرين عبدالوهاب

في محطه المترو وانا ماشيه من يومين
انا شفت حد مش هشوفه مرتين
ضحكت عيونه ضحكه قولت قصدو مين
انا انا انا

بصيت شمالي وبعدها بصيت يمين
ومكنش فيه الا انا بس وجمبي اتنين
مبقتش عارفه هو يومها قصدو مين
يا دي يا دي يا انا

خد قلبي مني وخطفني خطفه
ولاقيتني طايره مع اني واقفه
خد قلبي مني وخطفني خطفه
ولاقيتني طايره مع اني واقفه
مبقتش فاهمه مبقتش عارفه
ده عمل فيه روحي وفي قلبي اي
قربلي خطوه وقالي فجأه اي النظام
دقات قلبي سريعه ومن غير انتظام
وضحكلي نفس الضحكه قولت خلاص تمام
كده انا انا

قبل اما نحكي وقبل ما نقول كلمتين
تلفونو رن استأذن وبعد خطوتين
في الزحمه تاه من قبل ما اعرف هو مين
كده كده كده

خد قلبي مني وخطفني خطفه
ولاقيتني طايره مع اني واقفه
خد قلبي مني وخطفني خطفه
ولاقيتني طايره مع اني واقفه
مبقتش فاهمه مبقتش عارفه
ده عمل في روحي وفي قلبي اي
في محطه المترو وانا ماشيه من يومين
خد قلبي مني
ضحكت عيونه ضحكه قولت قصدو مين
انا انا انا