ريهام عبد الغفور: الصح أن الواحد يقارن نفسه باللي أقل منه.. وبسمع كلام ربنا عشان بحبه مش خوف منه

كشفت الفنانة ريهام عبد الغفور أنه يجب على الإنسان دائمًا أن يقارن نفسه بمن هو أقل منه لكي يشعر بالمهمة التي يمتلكها، ولا يقارن نفسه بمن هو أعلى منه حتى لا يمرض.

تحيا مصر يرصد تصريحات ريهام عبد الغفور في برنامج AB Talks

المقارنة من وجهة نظر ريهام عبد الغفور

حيث قالت ريهام عبد الغفور في حوارها اليوم ببرنامج "AB Talks" مع أنس بوخش: “أنا شوفت مرة لأنجيلينا جولي حاجة كدا انبسطت منها أوي واستوقفتني وبقيت مثل أعلى بالنسبالي، نفس اللي انت بتقوله دا فكرة أن احنا دايما بنقارن نفسنا بالأحسن مننا ودا غلط”.

وأضافت: "لكن هي كانت بتقارن نفسها بتقول هو أنا ليه أخدت الفرص دي وغيري مخدهاش فمن هنا ابتديت أقول عندها حق، يعني لو الواحد فضل يقارن نفسه باللي أقل منه هيحس بالنعمة اللي هو فيها، وفكرة أن الواحد يقارن نفسه باللي أعلى منه فكرة تجيب مرض".

علاقة ريهام عبد الغفور بوالدتها

ومن ناحية أخرى، أوضحت ريهام عبد الغفور ملامح علاقتها بوالدتها ووالدها، حيث كشفت أن والدتها دائما ما تعاملها بأسلوب التهديد حتى الآن بعدما تزوجت وأنجبت، وذلك يزعجها، وقالت لـ أنس بوخش: “أمي علاقتي بيها كويسة جدًا وبحبها جدًا بس أمي عندها طريقة التهديد دي لغاية يومنا هذا أن ست كبيرة وعندي أولاد بس كله بالتهديد”.

واستطردت: "حتى أنا بهزر معاها بقولها كفاية تهديد، فهي مدارس وثقافات ممكن احنا بردو أجيال أهالينا ممكن ثقافتهم مختلفة شوية بيبقى تهديد أكتر احنا كل الأجيال الجديدة بيبتدي يبقى فيها ثقافات مختلفة شوية فكرة اننا نتكلم، نتناقش، ناخد ندي".

وتابعت ريهام عبد الغفور قائلة: "أنا مش بعمل حاجة خالص تزعل أمي ولا أبويا بس مامتي يمكن بتهددني شوية لكن أبويا كله مش عايزة أزعله، هو مش هيعملي أي حاجة خالص بس أنا مش هزعله، حتى ربنا أنا مش بعمل حاجة تزعله عشان أنا بحبه مش عشان أنا خايفة من جهنم أو خايفة من عقاب أو الحاجات اللي بيخوفونا بيها لان أنا عارفة أن رحمة ربنا أوسع من أي حاجة".