أمل ابراهيم: اعتزلت بسبب ابني وبطلت اتفرج على فاتن حمامة عشان عملتني بطريقة غير لائقة

كشفت الفنانة أمل ابراهيم سر اعتزلها لاول مرة على شاشة التليفزيون في أول ظهور إعلامي لها بعد غياب، وذلك خلال حلولها ضيفة على برنامج “واحد من الناس”، للإعلامي عمرو الليثي.

تحيا مصر يرصد في ذلك التقرير تصريحات أمل إبراهيم في واحد من الناس

أمل ابراهيم عن سر اعتزلها: “ابني السبب ومكنش ينفع التمثيل مع الحجاب”

وقالت أمل إبراهيم خلال البرنامج: “خدت قرار الاعتزال عشان ابني وحشني اوي بسبب الشغل وانه هو معايا ومش قادرة اقعد، جوزي مات بعد ما خلف، أنا كنت وخداه عشان اخلف وقعدت طول حياتي أربي ابني انا أسيب الدنيا كلها عشانه، والتمثيل مينفعش مع الحجاب وربنا اداني الإشارة ونفذت، رزقي زاد كتير بعد الاعتزل وبطلع عمرة أنا وابني ديما".

أمل ابراهيم تكشف سر خلافها مع فاتن حمامة

وتطرقت أمل ابراهيم بالحديث عن سر خلافها مع فاتن حمامة بعد مشاركتها في مسلسل ضمير أبلة حكمت، فقالت: “في ضمير قبل حكمت معجبتش المخرجة، لأن فاتن حمامة قالتلها ازاي تلبس وتيجي باللبس ده، قولتلها بنت البلد بتلبس كدة، وهي ماشية قالتلي تعالي مين لبسك اللبس ده؟ قولتلها انا؟ قالتلي جيباه منين قولتلها من البيت، قالتلي مبحبش حد معايا يلبس كدة، قولتلها دا الدور يا مدام فاتن! قالتلي أيوة الدور بس أنا فاتن حمامة أقول كل حاجة. روحت قولت للمخرجة قالتلي لازم نسمع كلامها، كانت بتتأمر في كل حاجة وأنا عندي طولة بال بس بحدودوقولتها انا جاية في شغل لو مش عايزاني قولي انك مش عيزاني، والمشهد اللي كنت فيه زاعته، وزعلانة من فاتن حمامة وبطلت اتفرج عليها”.

أمل ابراهيم وفريد شوفي

وتحدثت أمل ابراهيم ايضا عن رحلتها مع فريد شوقي، فقالت: "فريد شوقي في "صابر ياعم صابر والبخيل وأنا"كان بالنسبالي الحب كنت خايفة منهم في الأول كان بعتلي دور اني اعمل مراته ويرميني من جبل المقطم وأنا اليوم ده مشوفتش يوم وأقولك طب وابني يقولي مليش دعوة بابنك ودخلت في عياط، بعدها طبط عليا وقالي انا بهزر".

وعن تكريمها في مهرجان القاهرة للدراما بدورته الأولى، قالت أمل ابراهيم: مكنتش مصدقة وسطنا مبقاش زي الأول، احنا بقينا ننزل مش نطلع والبركة بتاعتنا استاذ أشرف زكي، أما شوفت يحي الفخراني انا زعلت جدا انه ماشي على عصاية.