ندى موسى: "كنت بضرب الولاد في الشارع ورميت نفسي من الشباك بسبب امتحان"

حلت الفنانة ندى موسيى ضيفة الإعلامية إسعاد يونس في برنامج صاحبة السعادة، المذاع عبر شاشة قناة dmc وكشفت العديد من الأسرار عن حياتها.

تحيا مصر يرصد لكم تصريحات ندى موسى في صاحبة السعادة

ندى موسى: كنت بضرب الولاد في الشارع

كشفت ندى موسى عن طفولتها، قائلة: أنا بتكسف جدًا، بس كنت بضرب الولاد في الشارع، وكان عندي لبس كورة لنادي الزمالك رقم 10 عشان بابا كان زملكاوي.

وتابعت: من وأنا 7 سنين كنت نفسي ابقى ممثلة، وبابا كان بياخدني مسرح وسينما، وكان عندي 7 سنين لما وقفت على إستيدج مسرحية صاحب بابا، وقولتله أنا هبقى ممثلة يا بابا قالي اوكي.

ندى موسى عن دراستها 

كما تحدثت ندى موسى عن دراستها الثانوية والجامعية، قائلة: في 2 ثانوي كنت جايبه 68%، في 3 ثانوي جبت 98% ووالدتي كانت خايفة من دخولي الفن وإني أروح مارجعش.

وأضافت: ركبت المترو لأول مرة في حياتي عشان ماما منعت عني الفلوس لما دخلت معهد التمثيل، وكنت هرمي نفسي من الشباك لما منعتني أروح الإمتحان.

أول تجربة فنية لـ ندى موسى

وعن رد فعل والدتها بعدما شاركت في أول تجربة لها مع الفنان محمد صبحي، قالت: والدتي كانت متحمسة لما روحت أعمل دور مع محمد صبحي.. وكانت تقولي إياكي والغرور من وأنا 17 سنة.