مفيدة شيحة للستات: إحنا في مصيبة ولازم نعمل وقفة.. فيديو

حذرت الإعلامية مفيدة شيحة، الفتيات من العلاقات غير الواضحة، قائلة:"العلاقات غير الواضحة دي مصيبة ولازم وقفة و إلا الخسارة كبيرة".

تحيا مصر

 وأضافت الإعلامية مفيدة شيحة، في برنامجها "الستات" المذاع عبر قناة "النهار وان"، مساء اليوم الأحد: :" هناك مواقف معينة تكشف حقيقة العلاقات  ويجب عمل وقفة في هذه الحالة وإلا الخسارة ستكون كبيرة في المستقبل".

مفيدة شيحة: اللي بيحب بيهتم

وعلقت الإعلامية مفيدة شيحة، على واقعة ترك عريس لعروسته يوم حفل زفافهما بالقول:االعريس اللي ساب عروسته يوم الفرحة، دا شخص غير مسئول، وكان في علامات سابقة في العلاقة تدل أن هذا الشخص  لن يستمر في العلاقة من الأساس، ولا يحبها، وغير مقتنع بها".

وتابعت:"لا يجب أن نتغافل عن الحقائق والمواقف التي تتم في اختيار شريك الحياة، ويجب أن يؤدي شريك الحياة الانطباع الذي تريده، ولابد من وقفه، معقبة :"اللي بيحب بيهتم، وياخذ باله من التفاصيل الصغيرة".

وفي وقت سابق، عرضت الإعلامية مفيدة شيحة، بعض الأسئلة والتحذيرات المتداول خلال الساعات الماضية عبر السوشيال ميديا، والتي تقول :" الرجل الحنين ريسك ولا رزق!".

وأضافت مفيدة شيحة، : "الخوف من حكاية الرجل الحنين أنه يكون حنان كاذب  وتكون دي مش حقيقته".

وتابعت: "إزاي هنعرف الراجل الحنين إنه حنين فعلا وصادق في حنانه و إحنا  في مجتمع بيربي الراجل أنه لازم يكون خشن وجامد وحنش وميظهرش عواطفه ورقته للست".

مفيدة شيحة: خافي من الراجل الحنين

وأكملت:" نعرف الراجل صادق إزاي في حنانه وإحنا في مجتمع بيقول للراجل مينفعش تكون لطيف علطول مع الست عشان تحترمك وتعملك ألف حساب".

وواصلت: " هنقابل رجالة وهتلاقي رجالة من جواهم حنينين وطيبين حقيقي، لكن بيظهروا عكس دا، على الرغم من إن عشرتهم طيبة وكلهم أصول وولاد ناس وبيصونوا الست اللي معاهم".

وأكملت:"لكن اللي بيظهر الحنيه عمال على بطال دا يقلق بصراحه، أو مش جذاب  ولازم يتخاف منه، معقبة:" جوزك لو دلعك زيادة خافي منه".

وفي وقت سابق، نصحت الإعلامية مفيدة شيحة، النساء بضرورة أن تحافظ على أن يكون لديها عمل ومصدر دخل، قائلة: كل ست وكل بنت لازم تركز إن يكون ليها أي شغلانة ولو حتى مشروع صغير في معرض.