عمرو أديب: «إحنا خلاص هنمسك السلك عريان».. فيديو

عقب الإعلامي عمرو أديب، على ما تردد بشان ارتفاع سعر رغيف الفينو وانخفاض وزنه في بعض المخابز، قائلا: "مقدرش أقول لأب بدل ما تدي ابنك ساندوتشين اديله ساندويتش واحد، ومقدرش أقول لصاحب المخبز اخسر".

تحيا مصر

وأضاف الإعلامي عمرو أديب، خلال برنامج "الحكاية" المذاع عبر فضائية "إم بي سي مصر"، مساء السبت، :" رغيف الفينو الصغير عبارة عن قطمتين عند الطفل المصري".

عمرو أديب: آثار الأزمة الاقتصادية العالمية بدأت تظهر لدينا

 وتابع:" آثار الأزمة الاقتصادية العالمية بدأت تظهر لدينا، معقبا :"مفيش حل مثالي، ولازم نستحمل، ونهتم بالرغيف البلدي كبديل، لو الدولة تقدر تعمل حاجة تقدم حافز، الحاجات السنة اللي فاتت حاجة والسنادي حاجة تانية، معقبا:" إحنا خلاص هنمسك العريان".

وأكمل:"العالم كله يمر بظروف صعبة، ومصر جزء من العالم، مشددا على قدرتنا على عبور الأزمة معا، معلقا: "كلنا حاطين إيدينا في جيوب بعض لحد ما توصل لصندوق النقد الدولي".

أديب: التعداد السكاني في مصر وصل إلى 104 مليون نسمة

وأردف:"وزير التموين والمسئولين وضع حلا لضبط أسعار ووزن رغيف الفينو في المخابز، معقبا: "لازم أحيي وجود الرغيف اللي بشلن هو ده اللي بيأكل الناس، معقبا:"تأجيل قرار تحريك سعر الرغيف المدعم قرار صائب ".

وواصل:"التعداد السكاني في مصر وصل إلى 104 مليون نسمة، وكل 19 ثانية يولد طفل، معقبا: "كل 19 ثانية في مصر بيجلنا طفل عايز رغيفين فينو ".

و في وقت سابق، عقب الإعلامي عمرو أديب على مناقشة مجلس الوزراء لفكرة طرح جزء من أسهم الوطنية في البورصة، قائلا:"أنا معنديش أرقام ولا معلومات عن اللي حصل ف الاجتماع النهاردة بس كل ما قدرتوا تزودا الجزء أهلا وسهلا".

وأضاف الإعلامي عمرو أديب،:" لو صارف على وطنية مليون جنيه وجالك حد أنا عايز الشركة بعشرة مليون متبعاش ليه؟".

أديب: أنا كمواطن أقدر أدفع 170 دولار واشتري سهم أبل

وتابع "يا جماعة أنا كمواطن أقدر أدفع 170 دولار واشتري سهم أبل وشركة أبل فيها كاش قد الحكومة الأمريكية مرتين، هذه البلد لا محتاجة معجزات ولا حاجات غريبة هي محتاجة فقط التمويل والاستثمار".

وأعرب الإعلامي عمرو أديب، عن سعادته بشأن تفكير الدولة في طرح جزء من أسهم شركة الوطنية التي تملك 200 محطة بنزين كأولى خطوات الدولة للتخارج.

وأكمل الإعلامي عمرو أديب:" اختيار الدولة لشركة الوطنية التابعة للقوات المسلحة هي بداية جيدة، معقبًا "هيقولوا الدولة تبدأ بالشركات الناجحة وهذا يعني أنها جادة في التخارج".

وواصل "عايز أقول الأهلي لو نزل وطرح أسهم شركاته في البورصة كام واحد هيشتري، معقبا:" طبعًا هيقولوا عمرو أديب عايز يبع النادي الأهلي، لا النادي الأهلي موجود والجزيرة موجودة والخطيب موجود وحسين الشحات موجود".