أحمد شيبة ردًا على منتقدي إحياءه حفل بعد وفاة شقيقه: الفرقة رزقها يوم بيومه

خرج الفنان أحمد شيبة في مقطع فيديو عبر صفحته الرسمية على موقع التواصل الاجتماعى فيسبوك للرد على منتقدي إحياءه حفلة بعد وفاة شقيقه.

تحيا مصر يرصد رد أحمد شيبة على منتقدي إحياءه حفل بعد وفاة شقيقه. 

أحمد شيبة في أول تعليق بعد وفاة شقيقه

وقال أحمد شيبة: “أنا نزلت الشغل مش عشان الفلوس، غصب عني، شغلتي صعبة جدا، بيبقى فيه حزن، ولازم ننزل نشتغل، وبنخش نفرح الناس، بس الله أعلم باللي جوانا، كل واحد بيبقى فيه حزن في قلبه، والفرقة رزقها يوم بيومه، عشان محدش يفهمني غلط أنا نزلت بقالي 3 أيام لإن فرقتي تقريبا 50 فردا، رزقهم يوم بيومه”.

أحمد شيبة يطرح من كتر ما شوفت

طرح المطرب الشعبي أحمد شيبة كليب أغنيته الجديدة "من كتر ما شفت" على يوتيوب.

أغنية "من كتر ما شفت" كلمات رضا المصري والحان حسين محمود وتوزيع ميدو مزيكا.

كلمات أغنية من كتر ما شفت احمد شيبة

من كتر ما شفت يا دنيا
لقيتها خلاص مش فارقة
الناس بقى لي تفكيرها
تشوف ناس غيرها في غرقة
واللي يقدم لك خدمة
تلاقي عينيه على غيرها
كلها بقى سهل عليها تأجر حتى ضميرها
ما بقاش في كسوف
نعمل معروف يترد علينا بعلقه

ابو عين مليانة اديلو امانة
يصون ما يخونشي
والعيش والملح على ابن الناس
تلاقيه ما يهونشي
واللي ما يحمدش الله على النعمه
وعيشتوا عواله
بيرازي في خلق الله في الشر
دماغه شغاله
وتلاقي من حكه الناس تتلم
ف رقص ما تتأخرشي

نغلط ونقول مش غلطة
ونداري على الغلطة بغلطة
بنكح تراب م الاخر
عايشينها بخور و أونطة
قايمين نايمين نحسبها
بندور على مكاسبها
واللي تخسر بنسيبها
بقى كله عنيه ع الشنطة

بنمد ايدينا للناس بالحب
نلاقي عداوه
واللي ما يسواش نلقاه علينا عاش
والروس تتساوى
وبقينا حريفة نبر مفيش
الله يسهل له
وابو زمة نظيفه نقوم جايين
على وسطه نحلوا
حتى اللي شارينا بنفرط فيه
برخيص ما بقاش في غلاوه

بنعيب ع الناس ال يعني خلاص
العيب مش فينا
وفراغة العين جايبينها منين
حد يرسينا
فين راح الدم يا خلق تعبنا
كفايه ندالة
عايزين نرتاح اخرتها وصلنا
لاسوأ حالة
ليه تمللي العيبه بتبان ف الغيبة
ونقطع على بعضينا

ليه بس الكلمه بيبقى قصادها
اثنين وثلاثة
والضحكه الصافيه في يوم
ما ناخذها ناخذها شحاته
بلا حرقة دم تعالوا نتلم
وفضوها سيرة
بلا هري وجري ورمح وغل
وحقد وغيرة
ما تصفوا قلوبكوا الدنيا زوال
اصلها فانيه ومتفاتة