عمرو مصطفى: هغني راب وعندنا مشكلة في التوزيع بمصر

نجح المطرب والملحن عمرو مصطفى في تصدر تريندات مواقع التواصل الاجتماعي، وذلك بعد طرح أحدث أعماله الغنائية التي تحمل اسم إلا أنا.

تحيا مصر يرصد سبب اتجاه عمرو مصطفى للتوزيع في الخارج. 

عمرو مصطفى يتصدر التريند بعد أغنية إلا أنا

وكشف عمرو مصطفى عن سبب توزيع أغانيه في الخارج قائلًا: “الفارق في الثقافات وأنا عندي طموح أعمل موسيقى بشكل مختلف، وهما عندهم ثقافة الصوت ويعرفوا يختاروا صوت بشكل جديد، وإحنا عندنا مشكلة في مصر إن كل مزيكتنا شبه بعض وكل الموزعين يستخدمون نفس الآلات فكأنه صوت واحد".

عمرو مصطفى يتجه للراب

وتابع: "فلما تعملي التوزيع في الخارج تجد أصواتا ومزيكا جديدة، وستجدون عمرو مصطفى يغني (تراب) و(راب)، لأن فيه جيلين حصل فيهم مشكلة بين الأب والأبناء”.

وأضاف: “حصل بينهم فجوة في الموسيقى في مصر بقى فيه مهرجانات والراب والكلاسيك اللي أصبحت لا تسمع كثيرًا ولم تجد نفس الرواج بتاع الراب والتراب، وأحببت أخذ الشكل الموسيقي اللي هو الكلاسيك وأطوره وترقص الناس حتى لو هادية".

واختتم حديثه قائلًا: "أي نوع موسيقى سأقدمه هيرقص الناس وتكون نقلة موسيقية، الفترة الأخيرة الأغاني التي تطرح لا ترقص الناس، ولكن المهرجانات والتراب بس هم اللي بيرقصوا، وفي الأغاني الجديدة هترقصوا بجد”.

طرح الفنان عمرو مصطفى أغنيته الأولى إلا أنا من ألبومه الجديد عبر قناته على موقع التواصل الاجتماعى يوتيوب

كلمات اغنية الا انا عمرو مصطفى

الا انا انا واجهة غلاف السنة
انا عندي الخلاف حرفنة
لو هتسأل هناك او هنا
انا بعدي الكلام اتفنى
الا انا

في اول صف انا وبعدي يجي ناس
وسابق كله انا علشان انا الاساس
يقولو ١٠٠ سنة دا كله كلام اتداس
في اول صف انا بقالي سنين
وحاولوا يقلدوا ومش عارفين

الا انا انا واجهة غلاف السنة
انا عندي الخلاف حرفنة
لو هتسأل هناك او هنا
انا بعدي الكلام اتفنى
الا انا

 حكايتي مكملة يغير اللي يغير
دي اول مرحلة ولسه جاي كتير
يعيشوا في اسئلة وانا سري في بير

في اول صف انا بقالي سنين
وحاولوا يقلدوا ومش عارفين

ظاهرة مش تريند وكلام اتهرى
انا واحد لنفسه اشترى
طول حياتي ما برجع ورا
روحوا هاتوا الكتاب يتقرا
الا انا الا انا الا انا

الا انا انا واجهة غلاف السنة
انا عندي الخلاف حرفنة
لو هتسأل هناك او هنا
انا بعدي الكلام اتفنى
الا انا