رامي جمال يكشف سبب ابتعاد زوجته عن الغناء: اتفاق بيننا.. وبعملها تراك من وقت للتاني

كشف الممطرب رامي جمال عن سبب إبتعاد زوجته المطربة ناريمان عن الغناء، خلال لقائه في برنامج سهرانين، الذي يقدمه الفنان أمير كرارة عبر شاشة قناة ON.

تحيا مصر يرصد لكم تصريحات رامي جمال عن سبب ابتعاد زوجته عن الغناء

رامي جمال يكشف سبب ابتعاد زوجته عن الغناء

وقال رامي جمال: كان في اتفاق صريح بيننا من الأول، أنا قُلتلها من حقك تغني ده قرارك، بس أنا صعب جدًا بالنسبة ليا إن إحنا الاتنين نبقى مشهورين، مين هيخلي باله على اللي في البيت؟

وتابع: وقلت لها شوفي باب القبول في الأغاني اللي نزلتيها لو نجحت هيفضل فيه معزة بيننا بس مش هينفع نكمل، ولو اختارتي إنك تبقي في بيتي عرفيني، وهي اختارت وقالتلي أنا موافقة أبقى في البيت.

وأردف رامي جمال: أنا دلوقتي شايف إني ممكن أعمل لها تراك من وقت للتاني، من باب الهواية متتكتمش، لأن صعب جدًا إن ربنا يكون مدينا هدية ومش عند ناس كتير وأنا أقول مش هتستخدمها، ودايمًا باخد رأيها في الألحان.

أبرز تصريحات رامي جمال في برنامج سهرانين

- كان عندي تحفظ في أغنية "سقف سقف" على كلمة سكري وملبن طري

ـ أغنية اوعديني بعد ما عملتها رحت لـ محمد حماقي وسمعها وقالي حلوة جدًا وسيبني أفكر فيها

ـ وبعد شوية قالي لأ يا رامي مش حاسس الأغنية وحاسس إني سمعتها قبل كده

ـ بعت الأغنية لـ تامر حسني، في نفس الوقت.. أنا أول ما تامر ماردش خدت القرار إني هدخل أسجلها تاني يوم، والحمد لله هي من أهم الأغاني في طريقي

ـ أحمد سالم فنان صوته أجبر كل العالم العربي إنه يحترمه

ـ أنا بسدد في أحمد ديون ناس عملتهالي وساعدتني، ودورنا في الحياة مش بس إنك توصل

ـ أنا قُلت لأحمد أول ما قعدت معاه أنا هعملك أغنيتين واحدة أنا وأنت وواحدة لوحدك، ومش همضيك عقد احتكار

ـ سألت أحمد لو منجحناش هتعرف ترجع تشتغل تاني ولا لأ؟.. لقيت إجابته إجابة راجل شقيان، وقالي هرجع أشتغل عادي جدًا

أحدث أعمال رامي جمال

ومن الجدير بالذكر أن أحدث أعمال المطرب رامي جمال كمغني أغنية "سيبنا بعض" التي تم طرحها عبر القناة الرسمية لشركة “نجوم ريكوردز” يوم 11 من شهر أغسطس الماضي، وقد حققت الأغنية منذ طرحها وحتى الآن أكثر من 942 ألف مشاهدة.

وتعتبر “سيبنا بعض” من كلمات وألحان رامي جمال، وتوزيع أحمد عبد السلام، ومن كلماتها: “سيبنا بعض، سيبنا بعض وروحنا ومشينا خدنا وعد ننسى بالأيام ولا نسينا عشنا بعد، عدى وقت كتير وحنّينا قولنا نرجع تاني مرتحناش سيبنا بعض، سيبنا بعض وروحنا ومشينا خدنا وعد ننسى بالأيام ولا نسينا عشنا بعد، عدى وقت كتير وحنّينا قولنا نرجع تاني مرتحناش سلام سلام وخلاص".