دمرتني واديتها فلوس تعمل مشروع.. تصريحات محمود المهدي عن علاقته بـ منة عرفة

كشف الفنان الشاب محمود المهدي، طليق منة عرفة عن أسرار لأول مرة يفصح عنها، بعد طلاقه من منة عرفة في يوليو الماضي، وذلك في مداخلة هاتفية له بإحدى البرامج التلفزيونية على قناة الحدث اليوم.

تحيا مصر يرصد لكم أبرز تصريحات محمود المهدي طليق منة عرفة

تصريحات محمود المهدي عن علاقته بـ منة عرقة

- دمرتني هى وأهلها وتم استغلالي أسوء استغلال ومتكلمتش
- هما عارفين أني بتكلم عن حق
- أتحدى حد من أهلها يطلع يقول محمود المهدي خاين
- طلباتها كانت كتير فوق طاقتي وكنت هعمل ليها مشروع مستحضرات تجميل 
- حالها وقف فالشغل وهما محتاجين مصاريف واضطريت أبيع العربية عشان أديها فلوس
- واتطلقنا بعدها بيومين تم الطلاق
- أنا طالع من الموضوع بقول حسبي الله ونعم الوكيل

طليق منة عرفة يدعم ياسمين عز

وقد دعم محمود المهدي، الإعلامية ياسمين بعد تصريحاتها الأخيرة بشأن الرجل وأحقية الحموات في الحصول على نسخة من مفتاح الشقة.

ونشر المهدي صورة تجمع مجموعة التصريحات الأخيرة لـ ياسمين عز عبر خاصية ستوري بحسابه الرسمي بموقع تبادل الصور والفيديوهات الشهير انستجرام، وعلق: "حامية البيوت ومنصفة الرجالة".

تصريحات ياسمين عز الأخيرة 

وقد وجهت الإعلامية ياسمين عز مجموعة من النصايح للزوجات اليوم، استفزت الجمهور بشكل كبير نظرًا لتركيز حديثها عن واجبات المرأة فقط، دون الإشارة إلى حقوقها.

وقالت ياسمين عز: أنتي فاكرة أخر مرة قولتي لجوزك قصة شعرك حلو.. أو خد البرفيوم دي حلوة أوي جربها عليك!.. دايمًا حسسيه بالتاتس بتاعك في حياته، شكله.. هدومه.. الحركات دي، عشان دايمًا يكون محتاجلك، دايمًا يحس إنك لو مقولتيلوش على حاجة ولو بسيطة يحس إن في حاجة ناقصة.

وأضافت: يا شيحة ده أنتي مبقتيش بتفتحي دولابه غير عشان تفتشي في هدومه، أو تطلعي كام غيار تعمليهم فوط مطبخ تمسحي بيهم البلاط.

وأشارت ياسمين عز إلى بعض الطرق للتعامل مع الرجل حتى تحوز على قلبه، قائلة: والله لو اهتميتي بجوزك نص الإهتمام اللي بتهتميه لغسيل السجاجيد، وغسيل المواعين عمره ما يفكر يبص لواحدة برا غيرك.. واللي أنتي مش عارفاه إن الراجل أساسه طفل، طول الوقت محتاج رعاية واهتمام.