بعدت عن الوسط بسبب الشلليلة والفن في دمي.. أبرز تصريحات عمرو يسري

حل الفنان عمرو يسري ضيف برنامج بنت البلد مع الإعلامية نشوى مصطفى، عبر شاشة قناة صدى البلد، وتحدث عن أسباب غيابه عن الوسط الفني وغيرها من الأشياء الأخرى.

تصريحات عمرو يسري في برنامج بنت البلد

• بتألم لما بلاقي الناس في الشارع يتصوروا معايا ويقولوا إنت فين؟ دي بتقتلني
• الطفرة اللي حصلت كانت بعد 2011
• الـ 10 سنين اللي فاتوا دول غيروا حاجات كتير ونجوم كتير أوي بقوا في الظل
• مخرجين كتير نصهم رحمة الله عليهم أمثال حسين عمارة ورائد جديد والنص التاني مبيشتغلش
• أصبح الموضوع في الجيل ده إنهم لازم يضربوا بالنار ويموتوا
• مش تقصير مني والمسألة أصبحت شللية بحتة من الدرجة الأولى

• كل كرو بقى ليه الناس والمجموعة الخاصة بيه سواء من منتج ومدير إنتاج ومخرج ونجم
• زمان المخرج كان بيبقى نمبر وان ومن بعده الآخرين
• دلوقتي المخرج بقى رقم 4 وتبقى طفرة لو المخرج حط اسم في العمل
• على مدار سنيني دي كلها أنا معملتش حاجة
• لسة عندي الشغف وعندي الطموح إن أعمل حاجة
• يمكن فروق السن بتعلى ولكن بيقولولي إنت بيبي فيس ومبتكبرش
• قُلت مش مشكلة المهم إني أرضي غروري الفني لأن الفن في دمي
• عندي غيرة فنية وغيرة صحية
• بس بيحصل مشاكل في الحياة تخلي الواحد ميكملش منها حريق بيتي ووالدي توفى فيها

عمرو يسري في فيلم رجل في ورطة 

هو ممثل مصري، من مواليد 18 مارس 1969، بدأ حياته الفنية عام 1991 بفيلم “رجل في ورطة”.

وتدور قصة فيلم رجل في ورطة حول حاتم رجل أعمال يعمل في مجال المقاولات وبناء المساكن يجد نفسه متهمًا في قضية رأي عام وهى انهيار العمارات التي بناها ويكتشف أن رجاله الذين يساعدونه فعلوا ذلك دون أن ينتبه، تتم مواجهة مع أخيه فيقتل أخيه.

معلومات عن عمرو يسري

 بعدها شارك في عدد من الأفلام السينمائية مثل: الجاسوسة حكمت فهمي عام 1994، هارب إلى السجن 1995، اغتيال عام 1996،التحويلة عام 1996،الحرب العائلية الثالثة عام 1998، دانتيلا عام 1998، صاحب صاحبه عام 2002، وحليم عام 2006.
شارك عمرو يسري أيضًا في عدة مسلسلات تليفزيونية، من أشهرها: “يوميات ونيس ج3 عام 1996، أماكن في القلب عام 2005، ظل المحارب عام 2008، وعايزه أتجوز عام 2010”.