بدرية طلبة تنهار من البكاء أثناء تكريمها في ختام مهرجان الإسكندرية المسرحي.. والسبب

انهارت الفنانة المصرية بدرية طلبة من البكاء أثناء تكريمها في حفل ختام مهرجان الإسكندرية المسرحي الدولي، في نسخته  الـ ١٢، وذلك بسبب سمير غانم.

تحيا مصر يرصد سبب بكاء الفنانة بدرية طلبة. 

بدرية طلبة تعرب عن افتقادها للراحل سمير غانم

وقالت بدرية طلبة، إنها افتقدت بشدة الفنان سمير غانم الذى تحمل هذه الدورة اسمه، وأهدت التكريم للفنان سعيد صالح قائلة: أقل رد على من قلل من فنه.

وأقيم مهرجان الإسكندرية المسرحي الدولي الـ12 برعاية وزيرة الثقافة الدكتورة نيفين الكيلانى فى الفترة من 23 إلى 29 سبتمبر، والمهرجان بقيادة المؤسس والرئيس الشرفي للمهرجان الدكتور جمال ياقوت، ومدير المهرجان الفنان أحمد سمير والفنان إسلام وسوف، ورئيس المهرجان الفنان إبراهيم الفرن.

تصريحات بدرية طلبة في البخت

وكانت فجرت بدرية طلبة عدد من التصريحات النارية خلال حلولها ضيفة على برنامج البخت وهي كالآتي:

- البوتوكس أمر مفروغ منه لينا عشان العلامات والخطوط

- عندي هالات سودا مرضية بسبب الغدة

- وأي عملية تجميل عند الهالات بعملها

- أي حاجة لعنيا جاية فيها وحطيت فيلر بقيت شبه السيد قشطة

- قولت للدكتور الحقني ده مش انا.. انا منفوخة

- أنا عاملة ميكروبليدنج والستات كلها عاملينه

- عملت شد جفون عشان هيقلل من الهالات السودا

- هعمل كرشي قريب عشان كأني حامل في توأم

- شفايفي أمنية حياتي اشفطرها عشان معنديش شفايف.. وصوري القديمة تشهد ان مفيش شفايف، وبعمل محاولات وتنزل تاني، ودكتورة صديقتي قالتالي ممكن تفصلي البلازما وتحولها لـ فيلر وعملتها.

- حطيت فيلر قبل كده للهالات السودا بقيت شبه السيد قشطة، وقولت للدكتور الحقني ده مش انا، انا منفوخة

أزمة بدرية طلبة مع طليق منة عرفة

يذكر أن كان هناك أزمة بين الفنانة بدرية طلبة ومحمود المهدي، بدأت حينما علقت على هجومه على نقابة المهن التمثيلية في شخص الدكتور اشرف زكي وكتبت عبر حسابها على موقع فيس بوك بوست مطول موجهة الكلام إليه: "عايز تشتهر؟ إطلع اشتم فنان، عايز شهرة أكتر؟ اشتم الوسط الفني، عايز شهرة أكتر وأكتر؟ لايڤات كتير واشتم. بتشتغل إيه؟ ممثل بنتج لنفسي بفلوسي، متجوز مين؟ ممثلة. طب بعد اللايفات والشتيمة اتشهرت؟ لا طب عملت إيه؟ طلقت مراتي الممثلة! بجد ولا زي كل مرة؟".