وفاء مكي تبكي على الهواء بسبب هشام سليم: “زعلانة على البهدلة اللي شافها.. الناس مرحمتهوش”

دخلت الفنانة وفاء مكي في موجة بكاء شديدة بسبب الفنان الراحل هشام سليم وذلك خلال حلولها ضيفة على برنامج كلام الناس المذاع على قناة mbc مصر وتقدمه الأعلامية ياسمين عز، في أول ظهور لها بعد غياب.

تحيا مصر يرصد في ذلك التقرير سبب بكاء وفاء مكي خلال برنامج كلام الناس

وفاء مكي تتحدث عن هشام سليم وتنتقد السوشيال ميديا

قالت وفاء مكي خلال البرنامج: “أنا وهشام سليم قعدنا فترة طويلة وسافرنا مع بعض وعيشنا مع بعض وأخلاقه جميلة ومن جواه في حاله، وزعلانة عشان البهدلة اللي حصلت في الأخر، اي اللي حصل عشان يعموا معاه كدة ويتكلموا عن ابنه، دا كان انسان جدع وخير وبيعمل حاجات حلوة محدش كان حاسس بيها، بطلب من الناس الرحمة، الرحمة حلوة أوي، والموت ليه حرمته وليه هبته”.

وفاء مكي: السوشيال ميديا بتنتهك شعور الناس والصحافة مبقاش فيها احترام

وتابعت حديثها منتقدة السوشيال ميديا: “السوشيال ميديا بتضر أكتر ما بتنفع، ويتنتهك شعور الناس وكل ده عشان مشاهدة وفلوس والفلوس دي حرام، زمان كانت مهنة الصحافة احترام ومباديء وقيم دلوقتي أي حد بيطلع يشتم فيكي، وأنا خدت عهد على نفسي اني مفتحش السوشيال ميديا”.

عمرو أديب يهاجم منتقدي هشام سليم بعد وفاته

ولم تكن وفاء مكي الأولى في الحديث عن هذا الأمر، فسبقها الإعلامي عمرو أديب الذي قال خلال برنامجه الحكاية الذي يعرض على قناة mbc مصر: “احنا بقينا قتلة ومتوحشين مش قادرين نسيب الناس في حالها.. هيفيد اي انك تقول رأيك في راجل مات، الراجل مات وسط أهله هيفرق معاكم في اي ان الراجل كان عنده مشاكل معاهم ولا لا.. الراجل مات عايزينه يجراله إيه أكتر من كدة، حد مات يجوز عليه الرحمة في السنتين اللي فاتوا مسبناش حد في حاله ولا يموت في سلام، هو وأهله عندهم مصيبة اكتر من كدة؟”.

جدير بالذكر، أنه رحل هشام سليم بعد صراع طويل مع مرض سرطان الرئة وذلك في يوم الخميس الماضي الموافق 22 من شهر سبتمبر، وشيعت جنازته في ظهر يوم الخميس بحضور نخبة من النجوم.