تامر حسني يشجع الجمهور على تحقيق أحلامهم بهذه الطريقة| تفاصيل

حرص النجم تامر حسني على تشجيع جمهوره ومتابعيه على تحقيق أحلامهم بالسعي والاجتهاد دون يأس، وجاء ذلك في بوست نشره نجم الجيل عبر حساباته الشخصية على مواقع التواصل الاجتماعي المختلفة.

تحيا مصر يرصد تفاصيل أحدث منشورات تامر حسني

أحدث منشورات تامر حسني

حيث نشر تامر حسني صورة له عبر حساباته الشخصية على مواقع التواصل الاجتماعي المختلفة، وعلق عليها قائلًا: "لكل محبيني الكرام، كلامي اللي في البوست دا نفسي يوصل للكل وينفذه، ومحدش يسألني ليه بقول كدا بس أتمنى من كل قلبي أنكم تعملوا اللي هقوله، أنا والله العظيم بحبكوا أوي يا جماعة ولا عمري حسيت نفسي معاكم غير أخ أو حد من عيلتكم".

وتابع تامر حسني في منشوره قائلًا: "يلا دلوقتي حالاً كل حد فيكو يكتبلي في تعليقه نفسه يحقق ايه الفتره اللي جاية ارجوكم شوفوا نفسكوا محققين دا وإن شاء الله هيحصل، ارجوكم ارجوكم اكتبوا اللي نفسكوا فيه وعندكوا يقين كبير بالله أنه هيحصل مش هتخسروا حاجة لو صدقتوني وعملته كدا مش جايز أطلع صح.. بس طبعاً نسعى ونجتهد بلا يأس، والبوست هيفضل موجود لو حد حاله اتغير للأحسن وبدأ يحقق اللي كتبه يبقى يفتكرني بالدعاء".

تامر حسني يعلق على حفلته الأخيرة بالإسكندرية

ومن الجدير بالذكر أن تامر حسني علق على حفلته الأخيرة في محافظة الإسكندرية التي تم إقامتها منذ عدة أيام، حيث كتب عبر حساباته الشخصية على مواقع التواصل الاجتماعي المختلفة: "في إسكندرية إمبارح مكانتش حفلة كان حدث مش عادي بجد عيني مكانتش عارفة تجيب أخر الجمهور.. حضوركم الكريم ده هفضل فخور بيه طول عمري، اتشرفت بتقديمي ل ١٣ موهبة مصرية من مختلف محافظات مصر، وفعلاً كسروا الدنيا بأصواتهم اللي فوق الرائعة".

وأضاف تامر حسني قائلًا: "وعازف الساكس الصاعد المتميز اللي قدمته وموهبته كانت مفاجأة كبيرة للجمهور، فخور بالتنظيم أستاذ أدهم بكري الشاب الجميل الإسكندراني اللي كان بيحبني من وهو ١٥ سنة وقولتله لو بتحبني أوي لازم تنجح ووعدني أنه هينجح  والنهارده عنده ٣٠ سنة ومن كبار منظمي حفلات إسكندرية، ويكون صاحب الحفل الأضخم في تاريخ حفلات مصر".