مصطفى كامل: "جالي الضغط بسبب النقابة"

كشف الفنان مصطفى كامل عن بعض المخاطر التي تعرض لها، خلال منصبه كنقيب سابق للمهن الموسيقية، خلال اجتماعه بمجلس الموسيقيين المنعقد بالمحلة.

تحيا مصر يرصد لكم تصريحات مصطفى كامل باجتماع مجلس النقابة بالمحلة 

• النقابة جابتلي الضغط
• اتمنى ربنا يقدرني على المنصب ونترك الأمر لله
• أمنية حياتي اقعد ويقعد جنبي مجلس نقابة المحلة 
• فرحان إني في وسطهم جميعًا
• الخصام ضر مصالح كل الأعضاء 
• لن اقحم نفسي في امر مش بتاعي
• أنا نيتي خير لكل عضو في النقابة
• بلوم كل اطراف المشكلة في واللي حصل ده عيب في حق الجمعية العمومية 
• ومش الكرسي اللي هنعرف نقابل بيه ربنا
•  أنا منتمي للحارة الشعبية 
• امتع لحظات حياتي لما كنت بعدي من الشوارع اللي بلعب فيها وأنا صغير 
• كنت بحلم ابقى في لقاء تلفزيوني في القناة التاسعة
• ومهما سكنت في قصور بنتمى للحارة الشعبية 
• مهنتنا عجوزة وعجزت ناسنا كلهم
• بنسهر الليل واحنا عاكسين كل المواتير
• مننا اللي اشتغل مع بخيل وطماع واناني
• عشان كده طلعنا بالفطرة عصبيين
• كل بلد دخلتها لاقيت فيها خصومة شخصية او نقابية او ادارية سابقًا أنا غير مسؤول عنها

مصطفى كامل يهاجم عضو مجلس نقابة المهن الموسيقية

ويذكر هاجم الفنان مصطفى كامل، أحمد رمضان عضو مجلس نقابة المهن الموسيقية وذلك خلال مداخلة هاتفية مع الإعلامي حسام محي الدين ببرنامج كل الكلام.

وقال مصطفىى كامل: أحمد رمضان ده ميتقالش عليه أستاذ نفسي.. أعرف بيشتغل إيه.. ده مش بيشتغل.

وتابع: وحمو بيكا قال إنه بياخد نص أجره، وده اتهام مباشر في الأموال العامة، هو موجود سكرتير نقابة منذ هوجة الثورة وهناك جريمة في النقابة.

وقد صرح مصطفى كامل في تصريحاته ببرنامج حبر سري، بعض التصريحات الهامة قائلًا: بنتي أحبها تكون إعلامية بس متدخلش الوسط الفني لاني مش هسمح ليها تسافر عشان تعمل مشهد، كنت ديما شايل حمول أكبر من سني شيلت أبويا وأنا صغير وكنت بقوي أمي، كل يوم لازم أحساب نفسي وأبويا ميت فخور بيا، للي بيسمع ويجز عبيط لأن كلامه مش مفهوم وعمره ما هيعجبني والراب ده مش فن لأنه إلقاء وأي حد يغنيه، بحب محمد رمضان وهو من الشخصيات القريبة لـ قلبي وبينا حب متبادل.