مصطفى كامل: “بنتمي للحارة الشعبية مهما سكنت في قصور”

كشف الفنان مصطفى كامل النقيب الجديد للموسيقيين، خلال اجتماعه بمجلس نقابة المهن الموسيقية بالمحلة، عن إحساسه بكل فرد في الأعضاء، وأشار إلى أنه ينتمى “للحارة الشعبية”

تحيا مصر يرصد لكم تصريحات مصطفى كامل بمجلس نقابة المهن الموسيقية

مصطفى كامل: بحب الحارة الشعبية مهما سكنت في قصور

وقال مصطفى كامل: أنا منتمي للحارة الشعبية وامتع لحظات حياتي لما كنت بعدي من الشوارع اللي بلعب فيها وأنا صغير وبحلم ابقى في لقاء تلفزيوني في القناة التاسعة، مهما سكنت في قصور.

مصطفى كامل: مهنتنا عجوزة

وقال مصطفى كامل خلال الإجتماع: مهنتنا عجوزة وعجزت ناسنا كلهم، عشان بنسهر الليل واحنا عاكسين كل المواتير، مننا اللي اشتغل مع بخيل، وطماع واناني، عشان كده طلعنا بالفطرة عصبيين.

وأعلن مصطفى كامل عن إخلاء مسؤليته من جميع الخلافات التي حدثت سابقًا، قائلًا: كل بلد دخلتها لاقيت فيها خصومة شخصية او نقابية او ادارية سابقًا أنا غير مسؤول عنها.

تصريحات أخرى لـ مصطفى كامل 

• اتمنى ربنا يقدرني على المنصب ونترك الأمر لله
• أمنية حياتي اقعد ويقعد جنبي مجلس نقابة المحلة 
• فرحان إني في وسطهم جميعًا
• الخصام ضر مصالح كل الأعضاء 
• لن اقحم نفسي في امر مش بتاعي
• أنا نيتي خير لكل عضو في النقابة
• بلوم كل اطراف المشكلة في واللي حصل ده عيب في حق الجمعية العمومية 
•  ومش الكرسي اللي هنعرف نقابل بيه ربنا

تصريحات مصطفى كامل في حبر سري 

• بنتي أحبها تكون إعلامية بس متدخلش الوسط الفني لاني مش هسمح ليها تسافر عشان تعمل مشهد
• كنت ديما شايل حمول أكبر من سني شيلت أبويا وأنا صغير وكنت بقوي أمي
• كل يوم لازم أحساب نفسي وأبويا ميت فخور بيا
• للي بيسمع ويجز عبيط لأن كلامه مش مفهوم وعمره ما هيعجبني والراب ده مش فن لأنه إلقاء وأي حد يغنيه
• بحب محمد رمضان وهو من الشخصيات القريبة لـ قلبي وبينا حب متبادل.
• هكنس النقابة من الفساد وعندي اثباتات مسجلة بالفساد ده
• مبحبش مزيكة العسيلي ومعنديش خلق لتصرفات حسن أبو الروس
• فيه اسامي مينفعش مهما اختلفنا معاها  أطلع انتقدها زي عمرو دياب