خلعت الحجاب عشان أكل عيشي والحياة من غير راجل ممتعة.. تصريحات قوية لـ هالة فاخر

حلت الفنانة الكبيرة هالة فاخر ضيفة على برنامج كلمة أخيرة المذاع على قناة on الفضائية من تقديم الإعلامية المصرية لميس الحديدي.

تحيا مصر يرصد أبرز تصريحات هالة فاخر في برنامج كلمة أخيرة. 

علاقة هالة فاخر بوالدها الراحل 

وتحدثت فاخر عن علاقتها بوالدها الراحل قائلة: "والدي كان صعيدي وماكانش بيخليني أفتح الباب، وجيرانا لما جم يسكنوا قدامنا كان عندهم 7 صبيان فقال لوالدهم عشان نفضل حبايب مع بعض ولادهم وهم خارجين ميبصوش على باب بيتنا حتى وهو مقفول، وعلمني مقولش على حاجة محبهاش لأنه عاقبني مرة لما مرضتش اكل الكوسة وقفل الأوضة عليا طول اليوم من غير اكل ولا مياه.".

وتابعت: "كنت مقربة لي جدا ومتأثرة بوفاته لحد دلوقتي وكل ما تحصلي حاجة اقول يابا تعالى الحقني، لما بتفرجله على فيلم بحسه كأنه داخل عليا بس مبقدرش اكمله لأني استغفر الله العظيم مببقاش مصدقة أنه مش موجود.. ولما تقابلني مشكلة بقعد احكيله وافضفضله".

وأضافت: لما كان يشوف حاجة متعجبوش يسخر منها  والشخص  المقابل الذي تعرض للموقف يضحك من سخرية  والدي منه وأنا إبنته الوحيدة و ماما مكنتش بتحبنا نروح معاه الاستديوهات ونختلط  إلا عندما يكون  لديه مسرحية أو فنان نفسي اشوفه افضل أزن شوية".

واستطردت: "كنت بشوف في بيتنا فريد شوقي ونادية لطفي وكثير من الفنانين  بس كنا بنسلم وندخل الاوضة ".

هالة فاخر تتمنى أن تصبح مضيفة طيران

وعن أمنية حياتها قالت: كنت اتمنى أن أصبح  مضيفة للطيران   إلا أن وفاة والدي المفاجاة دفعتنؤ للعمل في سن الرابعة عشرة، مكنش فيه دخل ثابت وابويا مات فجأة عينوني  مكان أبويا في المسرح القومي  وصحيح أمي ست مدبرة في المنزل  تجيب المهم وتسيب الي مش مهم لكن ابويا كان طول الوقت  بيتعامل مع الي رايح  زي الي جاي  بيقول سبيهاعلى الله ".

سبب خلع هالة فاخر الحجاب

وكشفت عن سببها خلعها للحجاب قائلة: "حسيت أني عايزة اتحجب ودا بعد ما رجعت من الحج لا حد أثر عليا ولا روحت حضرت دروس دينية وفضلت بالحجاب 5 سنين وبعدين لبست الباروكة ونزلت اشتغل بيها لأن الشغل بقى محدود وأنا مش وارثة ولا حاجة فكان لازم انزل اشتغل لكن حوار الباروكة بدل الحجاب دا كان تلكيكة لكن هو مش صح طبعا وقلعته عشان اشتغل وربنا غفور رحيم ودا اكل عيشي ولما جيت قلعته حسيت كأني نازلة الشارع عريانة وعندي بنتيت محجبات".

واختتمت حديثها بوصف الحياة دون رجل قائلة: الحياة من غير راجل ممتعة وجميلة وزي الفل وبنام في سرير لوحدي.. ليه أجيب حد ينكد عليا!