سوسن بدر: مفيش نمبر وان في الفن والناس بتتجاوز حدودها عشان ورا الشاشة

كشفت الفنانة سوسن بدر عن أفضل الممثلين في الجيل الحالي من النجمات والنجوم الشباب، مشيرا إلى كل من منة شلبي ومنى زكي وهند صبري أمير كرارة وأحمد عز، مضيفة: أعمال رمضان بنتفرج على مباريات حلوة أوي.

تحيا مصر يرصد في ذلك التقرير تصريحات سوسن بدري مع الإعلامي عمرو الليثي

سوسن بدر: مفيش نمبر وان في الفن

وعن رأيها في مصطلح نمبر وان، فقالت الفنانة سوسن بدر خلال لقائها ببرنامج واحد من الناس الذي يقدمه الإعلامي عمرو الليثي عبر قناة الحياة: "مفيش نمبر وان في الفن ولا حد بياخد جايزة انه أحسن حد في الدنيا، أنا أما أخد جايزة في عمل ما دا عشان انا شاطرة فيه بس مش بالضرورة إن بقيت الأعمال بتاعتي أكون فيها نمبر وان، هي مش قاعدة".

سوسن بدر تكشف السبب وراء تجاوزات الجمهور على النجوم: “الشاشة اللي بيستخبو وراها”

وتطرقت سوسن بدر بالحديث عن التنمر الذي تعرضت له بعد نعيها للراحل حازم علي ، وذلك بعد أن علق متابع لها على المنشور، قائلا: “عقابلك”، وأوضحت سوسن بدر تعليقها على هذا الأمر، قائلة:  التغييرات اللي عمالة تحصل في الفترة دي في بعض السلوكيات أحيانا، دا نتيجة شاشة بيبقى حد قاعد وراها مش بنبقي شايفينه ولا هو شايفنا وعمال يرمي طوب من ورا الشاشة دي، طب أما تيجي قدامي قولي ولا انت تشوفني في الشارع تتصور معايا وورا الشاشة تقول كلام مش حقيقي، محدش ليه الحق يحجر على رأي حد، سلوك الناس اللي بتهاجم عنيف جدا".

واضافت: “الفنان اللي بيعمل سلوكيات وحشة هو حر، مبنفعش ناخد الغلطان باللي مش غلطان بلاش نتجاوز على بعض، دا كل واحد بيتعلق من عرقوبه”.

سوسن بدر تكشف سبب قلة أعمالها المسرحية

وتحدثت سوسن بدر عن قلة أعمالها المسرحية، فقالت: “المسرح بقاله فترة مختلف، عملت مسريحات كتير في القطاع الخاص وكانت تجربتي لطيفة جدا واستمتعت بيها جدا، لكن استفادت من مسارح الدولة وكانت في متناول الناس وكان هامنني المتفرج ده”.

الجدير بالذكر، أن كان لسوسن بدر تاريخ حافل في المسرح اذ بدأت مسيرتها الفنية على المسرح بتقديم عدد من الأعمال ثم انقطعت فجأة ودخلت مجال التمثيل.