مصطفى كامل عن معاشات نقابة المهن الموسيقية: "هزودها عشان متكفيش قطة"

تحدث الفنان مصطفى كامل عن الإجراءات التي من المقرر أخذها بنقابة المهن الموسيقية الفترة القادمة، وذلك خلال مداخلة هاتفية مع الإعلامي حسام محي الدين ببرنامج كل الكلام.

تصريحات مصطفى كامل ببرنامج كل الكلام

مصطفى كامل عن معاشات النقابة

وقال مصطفى كامل عن معاشات النقابة والعلاج الشهري: المعاش 1000 جنيه ميكفيش قطة، وزيادة المعاش على رأس أولوياتي، وكمان أقصى حد للعلاج الشهري بالنقابة هو 250 جنيهًا وأقل دواء بـ 150 و170 جنيهًا، طب لو واحد بياخد أول دواء يعمل أيه، أنا هعمل على إصلاح منظومة العلاج عشان الناس تقدر تجاري ما يحدث في حياتهم.

وتابع: أنا عندي برنامج كامل لخدمة النقابة.. منها خطة التشغيل للأعضاء حتى لا يحتاجوا إلى إعانات، لما يكون الدي جي مغرق السوق في مصر هيكون هناك بطالة بين الأعضاء.

مصطفى كامل: مش داخل ومعايا سيف

وأكد أن مصطفى كامل أنه مرشح لمنصب نقيب الموسيقيين من أجل تطبيق القانون على من أجرم في حق الأعضاء، ولم يستخدم سلطته غير للدفاع عن المظلوم، قائلًا: أنا مش داخل ومعايا سيف ولا مسدس، القانون لازم ياخذ مجراه، أنا بطبق القانون واللي أجرم هيتحاسب بالقانون.

مصطفى كامل يهاجم عضو مجلس النقابة

وهاجم مصطفى كامل، أحمد رمضان عضو مجلس النقابة، قائلًا: ده ميتقالش عليه أستاذ نفسي.. أعرف بيشتغل إيه.. ده مش بيشتغل، وحمو بيكا قال إنه بياخد نص أجره، وده اتهام مباشر في الأموال العامة، هو موجود سكرتير نقابة منذ هوجة الثورة وهناك جريمة في النقابة.

تصريحات مصطفى كامل في حبر سري

بنتي أحبها تكون إعلامية بس متدخلش الوسط الفني لاني مش هسمح ليها تسافر عشان تعمل مشهد، كنت ديما شايل حمول أكبر من سني شيلت أبويا وأنا صغير وكنت بقوي أمي، كل يوم لازم أحساب نفسي وأبويا ميت فخور بيا، للي بيسمع ويجز عبيط لأن كلامه مش مفهوم وعمره ما هيعجبني والراب ده مش فن لأنه إلقاء وأي حد يغنيه، بحب محمد رمضان وهو من الشخصيات القريبة لـ قلبي وبينا حب متبادل.
هكنس النقابة من الفساد وعندي اثباتات مسجلة بالفساد ده، مبحبش مزيكة العسيلي ومعنديش خلق لتصرفات حسن أبو الروس، فيه اسامي مينفعش مهما اختلفنا معاها  أطلع انتقدها زي عمرو دياب.