محمد رمضان يكشف عن شخصيته بفيلم «على الزيرو»

كشف الفنان المصري محمد رمضان عن اسم شخصيته بفيلم على الزيرو بطولته إلى جانب الفنانة نيللي كريم والمتوقع أن يحقق نجاح واسع عند عرضه بالسينمات.

تحيا مصر يرصد تفاصيل شخصية محمد رمضان بفيلم على الزيرو. 

محمد رمضان ونيللي كريم في فيلم على الزيرو

نشر رمضان صورة تجمعه بنيللي كريم عبر حسابه الرسمي بموقع التواصل الاجتماعي فيسبوك، وعلق عليها قائلًا: "حمزة و مريم من تصوير فيلم ع الزيرو تأليف د.مدحت العدل إخراج ماندو العدل".

وبدا منذ ايام الفنان محمد رمضان في تصوير فيلمة الجديد ع الزيرو حيث نشر فيديو له عبر حسابه بموقع تبادل الفيديوهات والصور انستجرام وتجمهر حوله معجبيه اثناء تصويره الفيلم في منطقة بولاق ابو العلا وعلق علي الفيديو قائلا: «شكرًا أهالي بولاق أبو العلا على تعاونكم وحسن استقبالكم لنا النهاردة أثناء تصوير فيلم ع الزيرو.. إنتاج جمال العدل، وإخراج ماندو العدل»، مُعلنًا عن طرح الفيلم بالسينمات خلال الفترة القليلة المُقبلة «قريبًا بجميع دور العرض.. ثقة في الله نجاح. 

أحدث أعمال محمد رمضان الغنائية

تألق محمد رمضان مؤخرًا بأغنيته الجديدة التي تحمل عنوان دوشة، بعد أن كان أعلن منذ أيام أنه أجلها حدادا على وفاة الملكة اليزابيث.

كلمات أغنية دوشة محمد رمضان

صاحي ومش شايف قدامي
فين النضارة عيني تاعباني

حاسس بصداع جوا دماغي
مع اني شارب اتنين قهوة

لا ما تخوتناش و بلاش روشة
ابعد عني دماغي انا قافشة

راكب عربيتي وبتمشى
طلبت معايا اني اعمل دوشة

وانا رايح اجيب العربية راكنها بعيد اصلي شوية
حاسس بخيال وبمرازية
ودماغي مش فايقة الليلة دية

عاوزك تنساني وتلاشاني
مثبوت في بطاقتي انا عنواني

مش حمل انتوا الوش التاني
تلاشاني عشان انا كدة هعمل دوشة

بقصف الجبهة و بقولك تروق
امك بتصرف عشان ال View

مجرد ما تفكر بكون جبت جول
استنى معايا تليفون الو

قفشت الفيراري وخمست في عطارد
دي مش دلقة قهوة دي دماغه اللي طارت

افكاري بتنحت في دماغه ف فارت
و طول ما انا ثابت انا هعمل دوشة

تليفوني بيرن عندي حفلة
وميعاد طيارتي جه على غفلة

عيني مش مفتوحة كانت قافلة
وبدات اسقط في الطافية

مسطول وقفني هات سيجارة
ما ترد تقولي ايه العبارة رجالتي بتستنى اشارة
ساعة التنفيذ نعمل دوشة