جوزك تعبان اتقي الله.. مُتابعة تفتح النار على دعاء فاروق والإعلامية: قرفت من معايرتي بمرض جوزي

فتحت إحدى المتابعات النار على الإعلامية دعاء فاروق بسبب نشرها صورها مع الفنانين، مطالبة إياها بأن تكتفي بتقديم البرامج الدينية خاصًة وأن زوجها مريض.

تحيا مصر يرصد هجوم إحدى المتابعات على دعاء فاروق. 

هجوم على دعاء فاروق بسبب صورها مع الفنانين

فكتبت مهاجمة دعاء فاروق: اتقي الله وخليكي أنتِ ودعاء عامر في البرامج الدينية، هوا أنتم جرركم إيه مبتتعضوش من حاجة، أتقو الله كل يوم تتصور مع فنانين وتطلعو على الشاشة، توعظونا، شوفو نفسكم الأول أنتِ زوجك تعبان يا شيخة، حرام عليكي قرفتونا والله.

دعاء فاروق ترد على مهاجميها

وخرجت دعاء فاروق عن صمتها لترد عليها عبر حسابها الشخصي بموقع التواصل الاجتماعي فيس بوك، قائلة: سميرة الطنطاوي والله يا فندم أنا اللي قرفت، والله العظيم أنا اللي قرفت من الناس البايخة اللي بتعايرني، وبتستخدم مرض جوزي المحترم بطريقة مش مقبولة، عند أول صورة شغل أنزلها.. اتقي الله يا شيخة، وارحمونا بقى من كم التنظير اللي علينا.

وأضافت دعاء فاروق: ارحمونا وارحموا نفسكم، اتقي الله أنتِ، اتقي الله اتقوا الله في كم التنمر، والكلام الصعب اللي بتعلقوا بيه عند الناس، اللي لا أذوكم ولا ضايقوكم ولا عملوا أي حاجة غير إننا بنشتغل.. ارحمونا بقى امشوا من الصفحات بتاعتنا، امشوا بقى بدل السم اللي بتبخوه، كلامكم زي السم استغفر الله العظيم من كل ذنب عظيم.

وكانت دعاء استغاثت لمساعدة زوجها، حيث كتبت منشورًا على صفحتها الرسمية على "فيس بوك": "طيب مضطرة لأول مرة استغيث جوزى بينزف نزيف شديد وأنا فى طوارئ أحد المستشفيات بأكتوبر".

وقالت خلال مداخلة هاتفية لبرنامج "الحكاية"، على فضائية "MBC مصر"، مع الإعلامى عمرو أديب، أنها تعرضت لهجوم بسبب تصويرها مع أبنائها، مردفة:"من حقهم يتصوروا مع أمهم ونسجل الذكريات عادى، وابنتى لم تتعد 15 سنة.

وتابعت: "بنتى لطيفة ومحترمة ومتربية، واللى تلبسه ملكوش دعوة بيه، أنا قادرة أرد، لكن هنيجى عند الولاد ممنوع أى حد ينطق كلمة، والبنطلونات المقطعة مش أنا اللى مقطعاها المحلات مبتبعش غير البنطلونات دي حالياً، والموجود بنشتريه فى حدود اللائق".

وأضافت الإعلامية دعاء فاروق "شرعاً.. إنت متدخلش فيما لا يعنيك، وحضرتك مش ماسكلى كراسة بتحاسبنى، والكلام دا مرفوض رفضاً تاماً، وأولادى بيضايقوا"، مردفة: "مش معنى إنى شخصية عامة أبقى مشاع، أنا بطلع بعمل برامج، اتكلموا عن البرنامج وانتقدوا الفقرات، ولكن الحياة الشخصية محدش ليه دعوة بيها ومحدش يحاسبنى".